Идеја за лесен ручек: Пилешко со крцкави млади компири, зачинето со рузмарин (фото+видео)
За овој рецепт ќе треба само да ги исечкате состојките и да ги ставите да се печат. Mожете да го сервирате со вкусна салата.
Пазарите и маркетите се преполни со млад компир, а мора да признаеме дека тој има навистина посебен вкус – мек од внатре, а крцкав од надвор. За да го подготвите овој рецепт не треба да сте голем експерт во кујна.
Сѐ што треба да направите е да ги промешате состојките и да ги ставите во рерна.
Можете да го сервирате со вкусна салата.
Потребни состојки:
- 5-6 пилешки надкопани;
- 15 – 20 млади компири (измиени и исечени на половинки);
- 2 моркови со средна големина, исечени на коцкички;
- ½ кромид (исечкан на парченца);
- 4 чешниња лук (рендани);
- 2-3 лажици маслиново масло (или по вкус);
- ½ лажичка мелен црн бибер;
- 1 лажица сув рузмарин.
Начин на подготовка:
- Рерната се загрева на темепература од 180 степени Целзиусови;
- Во голем плех за печење се реди пилешкото месо, компирот, морковите, кромидот, лукот и маслиновото масло;
- Се зачинува со сол и црн бибер и се меша додека зачините и маслото не се распоредат рамномерно;
- Пилешкото се распоредува меѓу компирите и се зачинува со рузмарин;
- Пилешкото и компирите се ставаат да се печат околу час и половина на температура од 180 степени Целзиусови или додека надкопаните не добијат златно кафеава боја, а компирите станат меки кога ќе ги боцнете со виљушка.
Видео упатство:
Б. С. Б. | Црнобело
Би можело да ве интересира:
Пита со тиква и суво грозје од готови кори – Есенски десерт за целото семејство
Подгответе идеален есенски десерт со состојки што се карактеристични за нашето п...
Мрсна торта со вкус на тиква – домот ќе ви мириса како кај баба на гости
Традиционалните мрсни торти секогаш ни будат доза носталгија од деновите поминат...
Рецепт за пилешко полнето со печурки и пармезан
Ако досега не сте зготвиле пилешки гради на овој начин, пробајте ги веднаш - нем...
Рецепт за посни колачи во форма на праски – омилениот десерт од детството
Идеални за посниот период - можете да подготвите поголемо количество, а никој не...
Посен ручек за сладокусци - полнети црвени пиперки со ориз и печурки
Во деновите на пости, ви препорачуваме превкусен рецепт за црвени пиперки полнет...
Највкусната посна сарма со праз, по рецепт на нашите баби
Бадниковата и божиќната трпеза никако не можат да поминат без посна сарма... Дал...
Препорачуваме
Најчитани неделава
