„Во еден ден направив 5 тегли ајвар во стан - се прави со само 200ml масло“
„Овој рецепт ми е од тетка ми, таа го прави најубавиот ајвар“ – потенцира јутјуберката Алмира Сијамхоџиќ, која ни покажа како може да се направи ајвар во домашни услови во стан и тоа со само 200ml масло.
Обично кога ќе се спомне подготовка на ајвар, помислуваме на големи количини пиперки, печење на ќумбе, варење во големо тенџере и со голема маталка, но, босанската јутјуберка Алмира објави едно подолго видео на нејзиниот Јутјуб канал каде детално покажа како таа во домот подготвува мали количини ајвар, за само неколку часа.
Како, што рече, најмногу време ѝ одземало лупењето на пиперките и модрите патлиџани, а мелењето и варењето одат мошне брзо.
Како што и сама потенцира во описот на видеото, за варењето на овие 5 тегли ајвар ѝ требало околу 1 час и половина.
„Видете колку е густ ајварот, за само неколку часа добив пет тегли од по 580g.
Овој ајвар ќе можам да го јадам во следните неколку месеци, затоа што е домашен, проверен без конзерванси и додатоци“ – вели Алмира во видеото.
Кој е рецептот до кој се придржува Алмира додека приготвува ајвар во станот?
Потребни состојки:
- 5kg црвени пиперки;
- 1,5kg модри патлиџани;
- 2 супени лажици оцет;
- 1,5 супена лажица шеќер;
- 2 супени лажици сол;
- 200ml масло.
Начин на подготовка:
- Рерната се загрева на 200° Целзусови
- Пиперките и модрите патлиџани за тоа време се мијат и се бршат со крпа;
- Постепено се печат во плех обложен со хартија за печење;
- Откако ќе се испечат се ставаат се прекриваат со најлон за да омекнат и полесно да се лупат;
- Испечените пиперки и модри патлиџани се лупат, се чистат од семе и се оставаат во цедалка за да се процедат;
- Се мелат во сечко или со машинка за мелење и се собираат во длабок сад;
- Во длабоко тенџере се става 200 ml масло за јадење да се загрее и потоа се додаваат сомелените пиперки и патлиџани;
- Ајварот се вари околу 1 час и 20 минути на тивок оган;
- Кога ајварот ќе почне да врие, односно да прска, се додава оцет, шеќер и сол;
- Ајварот се меша и се враќа да се вари уште 10-тина минути со постојано мешање;
- Измиените тегли се ставаат да се загреат 10-тина минути во рерна на 100° Целзиусови;
- Потоа топлиот ајвар се става во топли тегли;
- Откако ќе се наполнат, теглите се затвораат и се враќаат во рерната која е исклучена и се оставаат таму додека не се оладат.
Видео упатство:
Б. С. Б. | Црнобело
Би можело да ве интересира:
Препорачуваме
Најчитани неделава
