Предлог рецепти за божиќните пости – вкусни оброци без месо
Што да јадете кога постите? Подгответе некои од овие вкусни рецепти, што ќе ви докажат дека и посната храна може да биде вкусна.
На 28-ми ноември почнуваат божиќните пости, кои траат 40 дена.
Во овој период христијаните треба да се воздржат од мрсна храна, грешни мисли и дела и да се подготват за прославување на големиот празник Божиќ.
Иако многумина сметаат дека посната храна е здодевна, без вкус, затоа што нема месо, сепак, овие рецепти ќе ви покажат дека и во периодите на пост можете да уживате во различни вкусови и рецепти.
Погледнете што можете да подготвите додека постите:
Хумус од леќа и маслинки
Потребни состојки:
- 100g зелени маслинки;
- 100g црвена леќа;
- 200g моркови;
- 1-2 лажици маслиново масло;
- ½ лажица сол;
- Мешавина од зачини по вкус (црн бибер, чили и сл.);
- 200-250ml вода.
Начин на подготовка:
- Морковите се сечкаат на ситни коцкички и се динстаат на загреано маслиново масло, или на вода;
- Се додаваат зачини и леќата, па се додава вода, додека не ја прекрие леќата и се прекрива;
- Леќата и морковите се оставаат да се варат на среден оган околу 25 минути;
- Леќата се остава да се олади, ѝ се додаваат исечкани маслинки и се пасираат со блендер, или сечко додека не се добие изедначен хумус.
Посни пирошки со печурки
Потребни состојки:
За тесто:
- 90ml вода;
- 30ml растително масло (дополнително за премачкување);
- 150-160g брашно;
- 1 мала лажичка сув квасец;
- 1 ¼ лажица шеќер;
- ¼ лажичка сол.
За фил:
- 230g – шампињони;
- 50g – кромид;
- ¼ лажичка сол;
- ¼ лажичка црн бибер;
- 20ml растително масло.
Начин на подготовка:
- Водата треба да се загрее на температура од околу 40 степени Целзиусови;
- Се додава квасец, шеќер и сол и се мешаат;
- Лажица по лажица се додава брашното и се меша по секое додавање, за да се добие изедначена смеса;
- Постапката се повторува додека не се добие тесто, подготвено за месење;
- Додека се меси тестото постепено се додава и маслото;
- Готовото тесто се остава прекриено со проѕирна фолија за да нарасне (околу 30 минути);
- Шампињоните и кромидот се мијат и се сечкаат на коцкички;
- На загреано масло прво се динста кромидот околу 3-4 минути, па потоа се додаваат и печурките;
- Се пржат додека не испари цела течност од нив, па се додава сол и црн бибер и се мешаат;
- Филот се остава да се олади, а рерната се загрева на 180 степени Целзиусови;
- Готовото тесто се дели на 6 парчиња, од кои се обликуваат топчиња;
- Секое топче се истегнува во форма на круг, па потоа на средина се полни со печурки и се обликува во форма на пирошка;
- Готовите пирошки се ставаат на плех обложен со хартија и се печат 15-20 минути на температура од 180 степени Целзиусови.
Уште три рецепти на следната страница...
Би можело да ве интересира:
Рецепт за посни колачи во форма на праски – омилениот десерт од детството
Идеални за посниот период - можете да подготвите поголемо количество, а никој не...
Рецепти за 2 редени чоколадни торти што не се печат
Редена чоко-торта од бисквити и чоколаден прелив или торта со бела чоколада бана...
Колач медено срце - посен десерт чиј вкус потсетува на детството
Брз, едноставен и со вкус кој ќе ви врати носталгија - колачот Медено срце е нав...
Рецепт за крофни со шеќер како на плажа
Има ли некој што не ги сака крофните со шеќер што се продаваат на плажа? Вкусни,...
Рецепт за посна салата од компири со прелив од кари
Компирите честопати се дел од нашето мени, без разлика дали е за ручек, како сал...
Рецепт за здрава пица со тесто од црвена леќа, погодна и за деновите кога се пости
Направете една поинаква пица и изненадете ги вашите блиски со вкус кој не го оче...
Препорачуваме
Најчитани неделава
