Прсти да излижете: Мафини полнети со Нутела и чоколаден фил

Спонзорирано од:

Product Owner (Skopje) 16-04-2025	Product Owner (Ohrid) 16-04-2025
Product Owner (Bitola) 16-04-2025	Setup Engineer (Skopje) 16-04-2025

Прсти да излижете: Мафини полнети со Нутела и чоколаден фил

Мафини од кои тече Нутела крем, а се декорирани со чоколаден фил. Звучи примамливо нели? Како да ги подготвите?

prsti-da-izlizhete-mafini-so-nutela-i-chokoladen-krem-01.jpg

Со овој рецепт ќе добиете 12 поголеми мафини – идеални ако чекате гости, или ако сакате да направите десерт за два или повеќе дена.

Никој нема да ви верува дека сами сте ги подготвиле, а очекувајте сите да бараат репете.

Потребни состојки:

За мафините:

225g маргарин или несолен путер (на собна температура);
225g шеќер во прав;
4 поголеми јајца (благо изматени со миксер, на собна температура);
1 лажица прашoк за печиво;
1 лажица екстракт од ванила;
30ml млеко.

За полнење:

Околу 2 лажици Нутела за секој мафин.

Крем за декорирање:

150g несолен путер (омекнат);
100g Нутела;
300g шеќер во прав (просеан);
30ml млеко.

Начин на подготовка:

Рерната се загрева на 170 степени Целзиусови (150˚ ако користите вентилатор);
Во длабок сад се става маргаринот или путерот, па се додава шеќер, брашнo, прашок за печиво, екстракт од ванила и млеко;
Состојките се матат со миксер, додека да се добие изедначена смеса;
Готовата смеса се распоредува во претходно премачкани калапчиња за мафини;
Секое калапче се полни до половина;
Мафините се печат на температура од 170˚ Целзиусови (или 150˚ Целзиусови ако користите вентилатор), околу 17 минути;
За да бидете сигурни дека се готови проверете ги со чепкала;
Во друг сад се става путерот и Нутелата и се матат со миксер додека да се изедначат;
Се додава шеќер во прав и млеко, па се мати со миксер додека да се добие, еднаков фил;
По печењето мафините се оставаат да одморат околу 15 минути, а потоа секој мафин се издлабува на средината и се полни со Нутела;
На крај се декорираат со готовиот фил од Нутела и путер.