Божиќ во чаша! Од чоколадно и скандинавско, до бело – 6 најдобри рецепти за варено вино
Зимата е веќе овде, а со неа дојде и традицијата на уживање во варено вино.
Иако поимот варено вино најчесто се однесува на црвеното вино, неретко се приготвува и варено бело вино кое е исто така исклучително вкусно.
Некој експериментира со чоколадо, некој со ѓумбир, а некој ѝ останува верен на традицијата и едноставноста и сè што му треба е вино, шеќер, каранфилче и цимет.
Еве неколку добри причини за да го засакате вареното вино доколку сè уште не сте обожавател - Најдобро се пие во друштво, со пријателите и семејството. Никој не се брза бидејќи виното не се пие за 5 минути. Виното се ужива! Целиот дом ќе ви мириса толку прекрасно што ќе се опиете од мирисот уште пред да го вкусите.
Ви нудиме 6 рецепти за варено вино во кои ќе уживате цела зима:
Црвено вино со рум
Состојки за 4 лица:
- 1 литар црвено вино
- 500ml вода
- 1 мандарина
- 1/2 лимон
- 70g шеќер
- 2 ќесички ванилин шеќер
- 4 каранфилчиња
- 1 лажица суво грозје
- 1 лажица бадеми
- стапче цимет
- 100ml рум
Начин на подготовка:
- Мандарината и лимонот исечкајте ги на што потенки тркалца и исцедете го сокот.
- Во длабоко тенџере измешајте ги исцедениот сок, виното, 500ml вода, шеќерот, циметот, каранфилчето, сувото грозје и бадемите.
- Оставете го виното да зоврие и на крајот додајте го румот.
Варено вино со чоколадо
Состојки за 5 лица:
- 750ml црвено вино
- 250g темно чоколадо (70% какао)
- 500ml вода
- 300g шеќер
- 100g какао во прав
- 2 стапчиња цимет
- 4 ѕвездички анасон
- 10 каранфилчиња
- 2 портокали
Начин на подготовка:
- Во тенџере или длабока тава истурете ги водата, шеќерот, какаото, чоколадото и сите зачини. Мешајте на тивок оган додека не зоврие.
- Тргнете го тенџерето од огнот и мешајте со жица додека не се соединат сите состојки.
- На крајот додајте ги исечените портокали и црвеното вино.
- Повторно загрејте сè и послужете.
Варено вино според рецепт на Џејми Оливер
Состојки за 8 лица:
- 2 литри црвено или бело вино (со поголема киселост)
- 2 мандарини
- 250g шеќер
- 6 каранфилчиња
- Морско оревче
- 2 стапчиња цимет
- Малку екстракт од ванила
- 3 ловорови листа
- Индиски ореви
- 3 парчиња ѕвездест анасон
Начин на подготовка:
- За почеток, треба да ја подготвите основата за варено вино - постепено додавајте шеќер, мандарини, каранфилче, цимет, ловоров лист, рендано морско оревче и екстракт од ванила во тенџерето.
- Додајте го виното колку да го покрие шеќерот и варете додека смесата не стане густ сируп, т.е. база.
- Потоа додајте анасон и два литра вино. Мешајте „нежно“ пет минути, внимавајќи да не се свари премногу виното за да не ја изгуби аромата.
- Доколку сакате да го ублажите вкусот, слободно додајте чаша вода.
Уште три рецепти на следната страница...
Би можело да ве интересира:
Препорачуваме
Најчитани неделава
