Тоник против мамурлак од 5 состојки – рецепт кој ќе ви биде неопходен по празничните прослави

Празничната сезона е резервирана за многу прослави од секаков тип, а на секоја од нив, тешко е да се воздржите од вкусната храна и некоја чашка повеќе алкохол.

Иако вечерта сè изгледа совршено, сите знаат што ги чека следното утро ако претераат со малку алкохол.

За среќа, нутриционистката Џесика Сепел открива тоник кој се подготвува во домашни услови и има моќ да ве „излечи“ од мамурлак.

Се подготвува со намирници кои сите ги имаат дома, а состојките имаат моќ да ја прочистат крвта и да ве ослободат природно од болки, како и да го вратат балансот во телото.

Запомнете го добро овој рецепт, бидејќи ќе ви биде и повеќе од потребен за тековните и идните прослави.

Потребни состојки:

• 1 шолја вода
• 2 лажици јаболков оцет
• Прстофат црвен пипер
• 5 cm ѓумбир, излупен и изрендан
• 1 капсула пробиотик (може само правот од капсулата)

Начин на подготовка:

Измешајте ги сите состојки во една чаша додека не се соединат и испијте го магичниот пијалак.

Бонус совети од нутриционистката:

Зголемете го нивото на витамин Б во телото и јадете брокула, карфиол, ќељ и зелка, бидејќи содржат ензими кои поттикнуваат детоксикација на црниот дроб.

М. М. | Црнобело