По рецепт на нашите баби: Како се подготвува ораховка или ракија со млади ореви?
Знаете ли како се прави познатата ракија со млади ореви, позната и како ораховка?
Обично во мај, повозрасните често знаат да подготват ракија со млади ореви, позната и како ораховка или ореовка.
Старите веруваат дека овој пијалак има лековити дејства, помага при проблемите со тироидната жлезда, го зајакнува имунитетот, а помага и кај анемијата.
Познато е дека младите ореви се богати со витамин Ц и со јод, заради што може да имаат поволно влијание врз тироидната жлезда.
Но пред да почнете да се лекувате сами со овој лек, неопходно е прво да се консултирате со лекар.
Доколку, пак, сакате да имате залиха од овој народен лек, според рецептот на нашите баби, ораховката треба да ја подготвите на следниот начин:
Потребни состојки:
- 40 млади зелени ореви (со големина од 1-2cm);
- 1kg шеќер (или мед);
- 1l ракија (лозова или сливова);
- 1 стапче ванила (по желба).
Начин на подготовка:
- Задолжително ставете ракавици, па потоа младите ореви убаво измијте ги и оставете ги да се исушат;
- Поголемите оревчиња се сечат на половинки, а помалите само се засекуваат;
- Се зема една голема тегла и во неа се редат оревите и се додава 1kg шеќер (или исто количество мед);
- Оревот и шеќерот се мешаат, па се прелеваат со ракија и по желба може да се додаде стапче ванила;
- Теглата се затвора и се остава да стои на сончево место 40 дена, а во текот на тие денови секојдневно треба да се протресува;
- По 40 дена, течноста се прецедува низ газа и се собира во стаклени шишиња;
- Се затвора добро и се остава на темно и студено место да отстои уште два месеца, за ракијата да ја добие полната арома.
Б. С. Б. | Црнобело
Би можело да ве интересира:
Едноставан рецепт за коктел од вотка и калинка
Сокот од калинка ќе даде сладок, но и малку кисел вкус, додека пак вотката соврш...
3 освежителни пијалаци што ќе ви помогнат да загубите килограми
На сите ни е познато дека во борбата со вишокот килограми зашеќерените пијалаци ...
4 рецепти за пијалаци со кафе што ќе ве стоплат оваа есен
Кафе со вкус на кокос, но и кафе со таан алва – 4 рецепти за оние кои сакаат да ...
3 рецепти за греено вино (што ќе ве стоплат во студените ноќи)
Сте пробале ли греено вино со капини или со јаболка? Пробајте нови рецепти за ом...
3 пијалаци што треба да ги пиете пред спиење ако сакате рамен стомак
Овие пијалаци можете да ги пиете пред спиење за да го забрзате метаболизмот и по...
„Ботокс во чаша“ – Пијалак за измазнување на брчките и за слабеење (а се пие пред спиење)
Овој пијалак го нарекуваат ботокс во чаша затоа што се верува дека ги брише брчк...
Препорачуваме
Најчитани неделава
