Една грешка со која го забавувате метаболизмот и не можете да ослабите

Добро познат факт е дека за да ослабите, треба да внесувате помалку калории отколку што согорувате во текот на денот. Но, внесувањето премалку калории, односно гладувањето, може да го има спротивниот ефект – да го забрза складирањето масти, но и да предизвика низа здравствени проблеми.

Секој од нас сака да има витка линија, но многумина несвесно прават одредени грешки. 

Диетата со калориски дефицит, која подразбира консумирање помалку калории отколку што се согоруваат, е основата за губење на телесна тежина.

Сепак, ова може да стане контрапродуктивно доколку не внесувате доволно калории, за почеток.

Нашите тела се неверојатно паметни и кога драстично го намалуваме внесот на калории, телото знае дека не јадеме доволно и ја намалува брзината со којашто ги согорува калориите, а со тоа го забавува нашиот метаболизам.

Ова е процес што некои луѓе го нарекуваат „режим на гладување“.

Нашето тело ќе почне да ги складира мастите што веќе ги имаме во телото бидејќи предвидува дека повеќе нема да добива храна.

Наместо да јадете драстично помалку, фокусирајте се на она што го јадете и погрижете се тоа да биде здраво и хранливо.

Не треба да практикувате прескокнување оброци. Недостигот на калории во текот на денот ќе нè принуди да посегнеме по најбрзите решенија, кои најчесто се и нездрави.

Храната е гориво и никогаш не треба да се прескокнува. Фокусирањето на три оброци богати со протеини и хранливи ужини е многу поздрав начин за одржување на калорискиот дефицит и слабеење.

Протеините се потребни за раст на мускулите, но и поради многу други причини, вклучително и одржување на здрава тежина.

Затоа, погрижете се да уживате во храна богата со протеини во секој оброк, како пилешко, мисиркино, риба, морска храна, тофу, јајца, говедско месо, млечни производи, јаткасти плодови и мешунки.

(О)Милена | Црнобело