8 најчудни диети некогаш измислени

Некои луѓе се толку очајни за да ги намалат килограмите, што би пробале апсолутно сè.

Токму заради нив постојат 8-те најчудни диети некогаш измислени, кои искрено, не би ги препорачале на никого.

1. Диета со супа од зелка

Диетата која нема количински лимит, но може да јадете само една работа - супа од зелка. Зелката има низок процент на масти и калории, а е богата со влакна, па затоа се смета за препорачлива храна.

2. Диета со бебешка храна

Знаеме дека на прв поглед делува вкусно. Но, замислете сите 5 оброци да треба да ги замените со бебешки каши?

3. Диета со крцкави колачиња и крекери

Дали можете да си ги замените сите оброци со 6 колачиња на ден? Така и си мислевме.

4. Диета со бавно џвакање

Бавното џвакање има за цел побрзо да ве засити бидејќи ви прави илузија дека сте изеле повеќе. Во оваа диета треба да ги џвакате залчињата по 80 пати пред да се претворат во течност, па да ги голтнете.

5. Диета со сини леќи

На пазарот во Јапонија нудат сини леќи кои ќе ја направат храната помалку вкусна и чинат 20 долари.

6. Диета со грејпфрут

Според оваа диета треба да консумирате грејпфрут со секој оброк кој пак не смее да има повеќе од 800 калории. Се држи 2 недели за очигледни резултати.

7. Диета со паразити

Ова е опасно, баш така како што звучи. Се работи за диета во која треба да внесете паразити, односно да изедете расипано парче месо. Потоа следуваат непријатни процеси како повраќање преку кои ја исфрлате храната од телото.

8. Диета со лаксативи

Со оваа диета губите килограми преку тоа што губите течности од телото. И не е најздрава.

М. Д. | Црнобело