Не ја правете мојата грешка: Како ослабев 14 килограми, но брзо ги вратив?

Силвија Ким е блогерка од Остин во Тексас која има 21 година и ја споделува својата приказна за тоа како успеала набрзина да ослабе, но контра ефектот од сето тоа.

Откако симнала 14 килограми мислела дека нема потреба да внимава на исхраната и да ги одржува.

Никогаш не била идеално слаба, но станала свесна за килограмите кои ги има, откако се видела на една од фотографиите заедно со другарките, каде таа била значително покрупна од нив.

Тогаш не се префрлила на строги и брзи диети со кои ќе ослабе за една недела, туку решила да почне да вежба и да ги намалува оброците. За кратко време успеала да симне дури 14 килограми.

Но, нејзината грешка е тоа што откако ја постигнала целта, заборавила на сè претходно. Полека почнала да се враќа на старите навики, да јаде сè што ќе посака и многу помалку да вежба.

Така ги вратила сите изгубени килограми, многу побрзо отколку што ги симнала.

Тогаш повторно одлучила да ослабе со здрава храна, помали оброци и многу вежбање.

Ова се нејзините совети:

1. Секогаш поставувајте си нови цели

Кога ќе ја достигнете посакуваната тежина, поставете си нова цел пред себе. Кога повторно се здебелив сфатив дека треба да го зголемам интензитетот или времето на вежбање, да се предизвикам за да го одржам она што сум го постигнала.

2. Најдете нови начини за да се мотивирате

Ако постојано правите исти вежби и јадете иста храна, по некое време тоа ќе ви досади. Бидете креативни, бидејќи разновидноста ќе ве поттикне да издржите во одлуката за да живеете здраво.

3. Не ја игнорирајте вагата

Мојата тежина варираше во претходните 2 години, а кога ослабев доволно повторно ги вратив килограмите, бидејќи не ги контролирав на вагата. Сега знам дека е важно да следам колку се здебелувам за да го спречам тоа на време.