Како најлесно да ги истопите килограмите накачени во бременоста?

Најтешко им е на мајките кои за време на бременоста ќе ја пречекорат онаа здрава тежина, па потоа се мачат со килограмите и по породувањето.

Сосема разбирливи се неколкуте килограми вишок кои никако не можете да ги симнете, а очајно сакате, токму поради промените низ кои поминало вашето тело.

Еве неколку совети кои ќе ви помогнат ако сте млада мајка која сака барем малку да го обликува своето тело:

- Здравата храна и ужина секогаш треба да ви биде при рака. Тука спаѓа овошјето, зеленчукот, малку јаткасти плодови, интегралните житарки...

- Држете се подалеку од тешката, преработена храна која содржи тон калории. Заборавете на пржената храна, тестенините, пицата, сувомеснатите производи и слатките.

- Дојте го детето додека можете. Истражувањата покажале дека доењето кај некои жени ја намалува тежината. Секако нема ништо да изгубите ако пробате.

- Бројте ги калориите кои ги внесувате. За случајно да не се занесете, напишете го секој оброк на лист или симнете си некоја апликација која ќе брои колку калории, а колку хранливи материи ќе внесете.

- Не заборавајте на хидратацијата. Нашиот организам често го меша чувството на глад со жед, па наместо да посегнете по храна прво напијте се вода. Течностите без шеќер и кофеин секогаш нека ви бидат при рака.

- Држете се до распоредот на оброци. Иако животот ќе ви се промени од корен, обидете се да ги вратите старите навики за неколку точно темпирани оброци.

- Движете се. Џогирајте, шетајте или излезете со бебето на неколку часа од дома. Седењето дома не ви одговара ни вас, ниту на вашето дете.