Избегнувајте гума за џвакање и уште 19 совети за рамен стомак, кога диетите не ви помагаат

Јадете побавно

Наместо да го проголтате оброкот, потрудете се секој залак да го изџвакате најмалку 10 пати пред да го голтнете.

На овој начин телото полесно ќе ја свари храната и нема да имате проблеми со гасови и несварена храна.

Вежбајте со хулахоп

Не, хулахопот не е само за деца. Се верува дека доволно е да започнете да вртите хулахоп по 6 минути дневно и да додавате по 2 минути на секоја наредна недела за да ги стопите мастите на стомакот и да креирате мускулна маса.

Пијте повеќе вода

Ако не пиете доволно течности, телото почнува целата вода да ја става во резерва, заради што стомакот станува подуен.

Освен тоа, водата ќе му помогне на телото полесно да ги свари влакната што ги внесувате.

Побарајте пробиотици

Пробиотиците се добри бактерии што му помагаат на стомакот полесно да ја свари храната. За да внесувате доволно пробиотици, потребно е редовно во исхраната да вклучувате јогурт, кисел зеленчук и кисела зелка.

Не заборавајте и на пребиотиците

Освен пробиотици, неопходно е да внесувате и пребиотици со коишто се хранат здравите бактерии. Нив можете да ги најдете во некои видови зеленчук, овошја, семки, производи од цели зрна и јаткасти плодови.

Редовно одете во тоалет

Нема потреба да брзате кога сте во тоалет или да трпите со часови за да одите. Кога го правите ова или кога го прескокнувате одењето во тоалет, оставате простор за подуеност.

Исто така, носењето тесна облека може да предизвика храната побавно да се движи низ дигестивниот тракт.

Заборавете на гуми за џвакање

Ако сакате да го освежите здивот, подобро е да земете бонбона, наместо гума за џвакање.

Кога ги џвакате, може да се случи да проголтате и големи количества воздух заради што станувате подуени.

Станете од столчето

Ако можете, потрудете се барем еден час од работното време да стоите, наместо да седите. Тоа што ќе се раздвижите ќе ви помогне полесно да се справите со подуеноста.

Намалете со солта

Кога јадете премногу сол, организмот мора да задржува вода за да може да ги раствори целосно солите. Како резултат на тоа, станувате малку повеќе подуени од вообичаено.

Легнете си навреме

Не само што ќе ги прескокнете доцните вечерни оброци, туку ќе го забрзате и метаболизмот на телото и нема да дозволите тоа да става премногу масни наслаги во „резерва“.

Прочитајте и 3 пијалаци што треба да ги пиете пред спиење ако сакате рамен стомак

Б. С. Б. | Црнобело