Низ илустрации: Како да го наредите мебелот во мала дневна соба, за да не изгледа „натрупано“?

Ако има еден голем елемент, како тросед, ставете го спротивно од точката на фокус (телевизор, камин и слично).

Може да биде тешко да го најдете најдобриот распоред на мебелот во мала дневна соба, најмногу бидејќи лесно може да изглед натрупано.

Ако сте во ваква ситуација, веруваме ќе ви се допаднат советите и илустрациите во продолжение:

Со две точки на фокус

Ако во дневната имате две точки на фокус, на пример телевизор и камин, важно е креветите да не им бидат свртени со задниот дел.

За да ја одредите местоположбата на гарнитурата, најпрво поставете го најголемиот елемент (пример троседот) спротивно на едната точка на фокус (телевизорот).

Потоа останатите помали елементи нека бидат поставени спротивно на втората точка на фокус.

Неколку помали елементи

Ако наместо класичните елементи, како тросед и двосед, имате неколку помали, тогаш точката на фокус е најдобро да биде масата во средината.

Во ред е ако ниту еден од елементите не е свртен кон телевизорот, но не треба да стои ни пред него.

Со две маси

Ако имате двосед/тросед и две фотелји, ставете ги фотелјите една до друга, спротивно од двоседот или троседот.

Покрај масата, меѓу двете фотелји додајте уште една, помала масичка.

Аголна гарнитура

Аголната гарнитура треба да биде доближена до едниот агол на собата и со подолгиот дел да биде паралелна со телевизорот.

За да го дополните просторот, дијагонално од неа ставете фотелја или табуретка, а покрај масата во средината, може да ставите и уште една масичка до гарнитурата или фотелјата.

Дневна со една точка на фокус

Ако имате една точка на фокус, како и еден голем и два мали елементи важно е големиот елемент да биде спротивно од точката на фокус.

Малите елементи можат да изгледаат добро и пред телевизорот, но под агол, како на горната илустрација.

Ако сакате и тие да имаат поглед кон телевизорот (точката на фокус), можете да ги поставите од едната страна.

Големи елементи

Ако имате само големи елементи, како два троседи, тогаш поставете ги спротивно еден на друг, но странично од телевизорот (или точката на фокус).

Два големи и еден мал елемент

Во овој случај, едниот голем елемент може да стои спротивно на точката на фокус, а другиот поставете го отстрана.

Малиот елемент, како фотелја, ставете ја покрај точката на фокус, а на средината, меѓу сите елементи, ставете масичка.

Бонус: Трик за максимално користење на просторот

Наместо да ја „залепите“ гарнитурата за ѕидот, зад неа можете да ставите масичка или полица.

Секако не ви треба огромен простор меѓу креветот и телевизорот, па наместо да стои празен, искористете го практично.

Спирова С. | Црнобело