Во дворот на Маја Кикириткова: „Имаме дебела сенка од стар орев и лулашка, а допрва ќе го уредуваме просторот од 200m2“

Детали

сабота, 01 јули 2023

„Површината на дворот е 200m2, но сè уште е во фаза на уредување, само еден дел е среден. На целата површина во дворот имаме ситни каменчиња, обиколен е со дрвена кафеава ограда, а почнавме од нула со копање, рамнење на површината, средување обраснати делови...“, споделува модната дизајнерка Маја Кикириткова за CRNOBELO.com.

Модната дизајнерка Маја Кикириткова Трајковски со сопругот Александар, синот Лазар и ќерката Ева живее во населбата Ѓорче Петров, во куќа од 280 метри квадратни, која има дворно место од 200 метри квадратни.

Нејзиниот дом е совршено уреден, а проектот кој неодамна го започна заедно со сопругот е уредувањето на дворот.

Засега, само еден дел од него е уреден, но и тој е доволен за релаксација и минување на голем дел од времето таму во топлите денови.

Маја за уредувањето на дворот за CRNOBELO.com споделува:

„Површината на дворот е 200m2, но сè уште е во фаза на уредување, само еден дел е среден.

На целата површина во дворот имаме ситни каменчиња, обиколен е со дрвена кафеава ограда, која одговара со целиот ентериер во куќата.

Почнавме од нула, копање, рамнење на површината, обраснати делови, за да дојдеме до празна површина од песок.

За сѐ ова е задолжен сопругот, а и соседите имаа голем удел.

Во средина има стар орев со природна дебела сенка, каде закачивме лулашка.

Купивме само мала помошна масичка и две столчиња, гарнитурата ни е стара од претходниот двор, но ќе се замени.

Продолжува на следната страница...