Кои работи мора да ги завршите во кујната пред да заминете на одмор и кој апарат не смеете да го исклучите од струја?

Пред да заминете на одмор вообичаено имате голем број обврски, а ние направивме мал потсетник за вас. Зошто не би требало само да ги исклучите главните осигурувачи и да заминете?

Можеби ви се чини дека е најлесно да ги исклучите главните осигурувачи и да заминете на одмор, но тоа не е изводливо затоа што има еден апарат кој не би требало да го гасите иако не сте дома.

Дополнително, издвојуваме уште неколку работи што ќе ви помогнат да бидете безгрижни во текот на целиот одмор и да не размислувате премногу за тоа што би можело да ви се случи додека не сте дома.

Во продолжение проследете кои 5 работи не смеете да заборавите да ги направите во кујната пред да одите на одмор:

Исклучете ги апаратите

Со цел да избегнете пожар, пред да тргнете на одмор задолжително исклучете ги од струја електричниот шпорет, микровалната, бојлерот, тостерот и сите други мали апарати апарати во кујната.

Освен тоа, овие апарати честопати трошат струја и додека се само пуштени во струја, а не ги користите, па со нивното исклучување ќе успеете и да заштедите и на сметката за електрична енергија.

Исклучете ја водата од вентил

Никогаш не знаете што може да се случи додека не сте дома, па со цел да спречите оштетување на домот од поплави и протекување на вода, најбезбедно е да го исклучите дотокот на вода во домот од главниот вентил.

Исчистете го ладилникот

Пред да заминете добро би било да ја тргнете од ладилникот целата храна што би можела да се расипе или да мувлоса и да остави непријатна миризба во ладилникот.

Освен тоа, доколку сте во можност добро би било да ги пребришете и полиците за да ги тргнете трошките и другите остатоци од храна на него.

Фрлете го ѓубрето и измијте ги корпите

Полната канта со отпадоци во лето може да привлече бубачки и да остави непријатна миризба во вашиот дом.

Темелното миење на корпите ќе спречи да се вратите дома во дом што мириса на депонија.

Оставете ја вратата на машината за садови отворена

Извадете ги садовите од машината за садови, распоредете ги на место, а вратата од машината оставете ја подотворена.

Доколку во машината останала вода по последното перење, со затворањето на вратата може да создадете совршена површина за ширење на мувла и бактерии.

Кој апарат не смеете да го исклучите?

Дури и ако ја извадите целата храна од ладилникот, не би требало да го исклучите од струја, затоа што тоа ќе предизвика одмрзнување и разлевање вода на подот.

Непријатната миризба и оштетениот под не се нешто со што би сакале да се справувате кога ќе се вратите од одмор.

Б. С. Б. | Црнобело