6 совети со кои облеката ќе ви остане снежно бела како на првото носење

Дали белата облека ви потемнува брзо откако ќе ја купите и веќе ја нема истата свежина? Со овие 6 совети (кои можеби и ги знаете) вашата облека ќе остане снежно бела долго време.

Белата облека со текот на времето ја менува бојата и станува потемна.

А кога не е бела како снег, веќе и не ви е мерак да ја носите. Токму затоа многу луѓе се решаваат за потемни парчиња, а во својот плакар чуваат само една бела кошула.

Дури и да е така, постојат неколку трикови кои може да ги користите при перење, за белата облека да не ви потемнува.

Секако, не сите се гаранција дека парчињата облека никогаш нема да ви променат боја, но можете да се обидете. 

Кои се тајните за белата облека да остане бела?

Свртете ја облеката наопаку пред перење

Дури и кога ја перете облеката според упатството на етикетата, таа почнува да ја менува бојата.

Факт е дека машината за перење може да го уништи материјалот и белите работи да станат „валкано бели“ или „жолто бели“.

Но, ако ја свртите облеката наопаку пред перење, белината на алиштата ќе се задржи подолго.

Перете ги често, но со помалку прашок

Белите парчиња се валкаат многу брзо, па затоа треба да се перат почесто. Но, кога ги перете, не претерувајте со прашокот.

Ако ставите премногу прашок, тој нема целосно да се испере, а на облеката ќе останат остатоци, кои ќе се акумулираат во материјалот.

Ова, со текот на времето, ќе почне да ја менува бојата на белите парчиња облека и таа ќе стане потемна.

За да го избегнете овој проблем, кога перете бела облека користете само малку прашок, колку само да ги освежите алиштата.

И запомнете - кога е во прашање белата облека, прашокот во гранули е многу посоодветен отколку течниот детергент.

Ставајте белило во машината

Повремено во машината за перење ставете и малку белило, кое ќе им даде нова свежина на потемнетите парчиња.

Но, изберете „помек“ производ, без многу хлор во составот, кој би можел да ја уништи и да ѝ направи дупчиња на облеката.

Наместо белило, можете да користите и сода бикарбона, и да ставите 1-2 лажички сода во прашокот пред да ја пуштите машината да пере.

Продолжува на следната страница...