Грешки со кои ѝ го скратувате животниот век на машината за садови

Промената на начинот на користење на машината за садови може драстично да го промени нејзиниот животен век, па дури и да ѝ помогне подобро да ги исчисти садовите.

Машината за садови е нешто што навистина ни е потребно во денешно време.

Како и за сè друго во домот, за да има подолг животен век, потребно е да се грижиме соодветно со цел да ни служи повеќе.

Но, некои мали навики кои можеби ги правите несвесно, може да бидат штетни.

Навики кои треба да ги заборавите за да ѝ го продолжите животниот век на машината за садови:

Не ја отстранувате доволно храната од садовите

Пред да ги ставите садовите во машината, потребно е да ги отстраните тврдокорните остатоци од храна, а и да внимавате да не оставате чепкалки за заби, мастики, салфетки и слично.

Не ја оставате отворена

Ова не значи дека машината за садови постојано треба да ви биде отворена, но, она што го предлагаат експертите е да ја оставите отворена откако ќе заврши циклусот на перење, за да ја испуштите топлината и влагата.

Ова може да го спречи растот на мувла, што пак може да доведе до чуден мирис на садовите и кратење на животниот век на машината.

Не ја користите доволно

Сигурно ова звучи спротивно на она што го мислите, но, ако не ја користите редовно машината за садови со топла вода, може да дојде до нејзино оштетување, како резултат на прекумерно таложење на остатоци на дното.

Не ја чистите редовно решетката на дното на машината

Дополнителните остатоци од храна се собираат во решетката на долниот дел од машината. За да избегнете затнување, чистете ја барем еднаш неделно.

Не ја чистите самата машина за садови

Препорачливо е на секои три до шест месеци машината за садови да ја вклучувате празна, а за таа цел може да користите бел оцет, наместо детергент, при што ќе ги елиминирате и непријатните мириси.

Не ја полните правилно

Можеби некогаш се брзате и полесно ви е да ја наполните машината без да внимавате, како на пример, да ставите чаши на долната решетка.

Но, всушност ова може да резултира со скршено стакло или блокиран распрскувач за вода, со што ѝ се скратува животот на вашата машина.

М. Ѓ. | Црнобело / фото: freepik.com