7 грешки со кои (несвесно) го намалувате животниот век на апаратите за домаќинство

Ставате фолија во рерната за да ја заштитите од храната што капе и да на мора да ја чистите постојано. Но, знаете ли дека фолијаа може да предизвика поголеми проблеми, отколку што реално ќе имате полза од неа во оваа ситуација?

Сите апарати за домаќинство имаат век на траење, па по долги години употреба почнуваат да се расипуваат.

Но, понекогаш и ние самите, несвесно, им го кратиме животниот век, поради грешките што ги повторуваме.

Ова се најчестите грешки што ги правиме сите, а поради кои апаратите во домаќинството многу побрзо се расипуваат:

Го вклучувате бокалот со премалку вода

Понекогаш во бокалот за загревање вода ставаме само мала количина, колку за една шолја кафе или чај.

Но, експертите велат дека во овие апарати секогаш треба да има поголема количина вода, бидејќи ако бокалот е често празен, тоа може да доведе до брзо расипување на системот за греење.

Ставате фолија во рерната

Иако веруваме дека фолијата ставена на дното на рерната ќе ја заштити од храната која претекува и прска, па нема да мора да ја чистиме по секое готвење, ова е, сепак, многу погрешно.

Фолијата се загрева и дополнително ја грее рерната, а тоа може да предизвика прегорување на греачите во рерната.

Всушност, фолијата го намалува (во некои случаи и целосно го спречува) протокот на воздух, a може да се залепи за дното на рерната, ако на пример, ви останала храна од претходното готвење.

За да не се мачите при чистењето, најпрепорачливо е откако рерната ќе остине (додека е уште млака) да ја пребришете со влажна крпа и да ги отстраните дамките и остатоците од храна.

Ставате премногу прашок во машината за перење

Ако ставате премногу прашок во машината, тоа не значи дека таа подобро или поефикасно ќе ви ги испере алиштата.

Напротив, дури и производителите на машини за перење велат дека преголемата количина прашок може да предизвика расипување на машината, а прекумерната пена што се прави да го запуши системот за испуштање вода.

Ги миете деловите од машината за мелење месо со детергент

Новите машини за мелење месо се најчесто изработени од алуминиум, а бројни детергенти во себе содржат алкални фосфати.

Па кога тие ќе дојдат во допир еден со друг, почнуваат процес на оксидација, кој предизвикува нагризување на површината на деловите од машината, а тие го губат и својот сјај.

Затоа е препорачливо овие делови да се мијат само со вода или со неутрални детергенти (освен ако на самата декларација не е нагласено дека е безбедно да се користи секаков тип на детергент).

Заборавате да го исчистите филтерот на фенот

Секој фен за коса има филтер кој ја штити косата од допир со внатрешните делови на фенот, но и го штити фенот за во него да не влезе прашина.

Но, кога филтерот е валкан и на него се залепени парчиња прашина, тој не дозволува нормален проток на воздухот и предизвикува прегревање.

Затоа редовно чистете ги филтрите, а ако не можете да ги извадите од фенот, можете да поминете преку нив со правосмукалка и да ги „одзатнете“.

Не внимавате на водата во пеглата

Според експертите, во пеглата никогаш не смеете да оставите вида само на дното, напротив, треба барем 1/3 од садот да има вода за пеглата да функционира нормално.

Притоа, ако не користите дестилирана вода, барем превривајте ја пред да ја ставите во пеглата, за да спречите појава на бигор на дното на садот за вода.

Поради бигорот, пеглата може да се затне, да почне да тече, а бидејќи во близина се и жиците, постои опасност за допир на водата и струјата, па и струен удар.

Во блендерот ставате замрзната или жешка храна

Во блендерот не треба да ситните мраз или да ставате замрзната храна, бидејќи тие може да ги оштетат перките или во најлош случај да се „заглават“ и да го прегреат/расипат моторот.

Ни прежешката храна не е соодветна за матење во блендер - кога ќе го ставите капакот, жештината се акумулира во мал простор, а тоа го зголемува притисокот во садот и може да предизвика негово пукање.  

А. Ј. | Црнобело