Слабо менструално крвавење: Кои се најчестите причини и дали е знак за проблем?

Психолошкиот стрес може да влијае на делот од мозокот кој е одговорен за регулирање на хормоните, што има влијание и врз менструалните циклуси. Па, стресот може да предизвика промени во менструацијата, како пообилно или послабо крвавење.

Менструалниот циклус може значително да варира: пообилно крвавење, циклус кој доцни, појава на неколку дамки…

Познато како хипоменореја во медицинските термини, лесните менструации вклучуваат крвавење со послаб интензитет или пократко траење на крвавењето за време на менструалниот циклус.

Една жена обично крвави околу милилитри крв во текот на секоја менструација. Но, овој менструален тек може да варира бидејќи може да биде под влијание на бројни фактори – од хормонална нерамнотежа, до стрес.

Симптоми на послаб менструален циклус

Симптомите на слаб менструален циклус или наречено хипоменореа, може да вклучуваат:

• Полесно крвавење од претходно
• Крвавење помалку од два дена
• Појава на дамки крв, наместо редовен циклус
• Одложен циклус

Причини зошто би можеле да имате слабо менструално крвавење

Возраст

Кога девојчињата првпат добиваат менструација, нивните менструални циклуси може да бидат неправилни и на почетокот да се разликуваат.

Првично, нивните тела сè уште се приспособуваат на новите хормонални промени, што може да доведе до послабо крвавење.

Освен ова, жените кои се приближуваат до менопаузата, обично во нивните доцни 40-ти или раните 50-ти, тие често доживуваат хормонални флуктуации што може да предизвикуваат послаби менструални крвавења.

Промена на телесната тежина

Зголемувањето и губењето на телесна тежина може да предизвика неправилен циклус. Зголемувањето на телесната тежина, односно дебелината, може да го зголеми ризикот од неколку менструални проблеми, вклучувајќи ран почеток на пубертет, менструални нарушувања…

Но, во овој случај некои жени може да се соочат и со пообилни крвавења, а тоа целосно зависи од тоа како телото реагира на хормоналните промени предизвикани од промената на тежината на телото.

Нарушувања во исхраната

Нарушувањата во исхраната, како анорексија и булимија, може да доведат до значително губење на тежината и ненахранетост, што го нарушува менструалниот циклус.

Гладувањето или екстремната диета може значително да ги намали телесните масти, што често резултира со слаби менструални крвавења.

Бременост

За време на бременоста, месечното крвавење престанува, до породувањето. Сепак, во раните фази на бременоста, можно е лесно крвавење или мали дамки.

Ова обично се должи на имплантационо крвавење, кога оплодената јајце клетка се прицврстува на слузницата на матката и не е менструација.

Доење

Доењето може да доведе до отсуство на менструација. Сепак, некои жени може да забележат слабо крвавење или дамки крв, бидејќи лактацијата влијае на нивното на хормоните кои ја регулираат менструацијата.

Стрес

Психолошкиот стрес може да влијае на делот од мозокот кој е одговорен за регулирање на хормоните, кој може да ги наруши менструалните циклуси.

Ова нарушување може да предизвика полесни или неправилни менструални крвавења.

Контрацептивни методи

Хормоналните методи за контрацепција (како што се апчиња, инјекции или спирала) може да доведат до послаби менструални крвавења.

Овие контрацептиви делуваат на тој начин што ја регулираат овулацијата и ја менуваат поставата на матката, што може да го намали менструалниот проток.

Прекумерно вежбање

Интензивниот физички тренинг може да ја промени хормоналната рамнотежа одговорна за менструалниот циклус. Тоа може да предизвика лесно крвавење, дури и кога немате менструација.

Синдром на полицистични јајници

Синдромот на полицистични јајници е состојба која може да влијае на менструалните циклуси.

Иако почесто оваа состојба е поврзана со потешки или неправилни менструации, сепак, некои жени може да доживеат полесни менструации, во зависност од индивидуалните хормонални реакции.

Дисфункција на тироидната жлезда

И хипотироидизмот и хипертироидизмот може да доведат до неправилен менструален циклус.

Додека хипотироидизмот може да предизвика обилен менструален тек, хипертироидизмот може да предизвика послаби менструални крвавења.

Перименопауза

Периодот пред менопаузата, наречен перименопауза, вклучува хормонални промени што може да резултираат со полесни менструации.

Крвавењето целосно ќе престане кога жената ќе влезе во целосна менопауза.

М. Ѓ. | Црнобело / фото: freepik.com