Топ 5 парфеми од ZARA за лето 2024 (и на кои познати мириси потсетуваат?)

Кои 5 парфеми од ZARA се идеални за летниот период и на кои скапи дизјанерски парфеми потсетуваат? Ако сте во потрага по совршен мирис за ова лето, разгледајте ги овие 5 парфеми во продолжение.

Веќе на сите ни е јасно дека парфемите од ZARA во голема мера потсетуваат на скапите дизајнерски парфеми и претставуваат попристапна верзија за сечиј џеб.

Голем број инфлуенсерки и модни ентузијасти досега јавно објавувале дека се изненадени од тоа како реагираат луѓето на нивните парфеми од ZARA, а за летниот период се достапни повеќе мириси и мирисни ноти.

Кои 5 парфеми од ZARA се одлични за летниот период?

Red Temptation Summer

Парфемот Red Temptation долго време беше меѓу омилените и се смета дека е одлична замена за дизајнерскиот парфем Baccarat Rouge 540.

Минатата 2023, беше лансирана и летната верзија на овој парфем, насловена Red Temptation Summer, во кој се мешаат мирисите на малина и на рози.

Pink Flambé

Овој парфем е замена за дизајнерскиот парфем Valentino.

Станува збор за парфем со цитрусни и благи тонови, па затоа е идеален за во лето и за летниот период.

Wonder Rose

Со мирис на овошје и праска, во кој се мешаат мирисните ноти на јасмин и ванила, Wonder Rose е уште еден од омилените парфеми на ZARA.

Се смета дека тој е замена за парфемот J’adore на Dior.

Sultry Pear

Како што кажува и самото име, парфемот има мирисна нота на карамелизирана круша. Станува збор за уште еден парфем со овошен мирис, кој е идеален за летниот период.

Инаку, се смета дека овој мирис е замена за дизајнерскиот парфем la Belle на Jean Paul Gaultier.

Femme

Овој парфем се смета дека е замена за парфемот Hypnotic Poison на Dior.

Со мирис на нежна ванила, овој парфем е идеален за сите оние што сакаат подискретни парфеми во текот на летото.

Бонус: Sensual Vanilla

Станува збор за нов парфем, кој беше лансиран годинава.

Ова е парфем со сладок мирис, во кој освен мирисот на ванила, се чувствуваат мирисните ноти на шумско овошје, но и на рози.

Прочитајте и „Го открив парфемот на ZARA заради кој мажите ме застануваат на улица за да разговараат со мене“

Б. С. Б. | Црнобело