Македонско девојче! Андријана Илиоска учествуваше на 6 ревии на London Fashion Week

„Иако првично мојата цел беше да останам тука само за време на Модната недела во Лондон, со оглед на многубројните опции за фотосесии, одлучив да останам во Англија и во следните два месеца“ - вели нашата интернационална манекенка Андријана Илиоска.

Нашиот модел со интернационална кариера, Андријана Илиоска, од неодамна е во Лондон, а причината е нејзиното учество на Модната недела во Лондон (London Fashion Week).

Иако досега има настапувано на Модната недела во Милано, а работела и во неколку азиски земји, Андријана е првпат професионално во британската престолнина.

За CRNOBELO.com, Илиоска вели дека планирала да остане само 2 недели.

Но, во меѓувреме добила одлична можност за работа и напредок во кариерата, па и во следните два месеца ќе биде во Англија.

За своето искуство на London Fashion Week, таа вели:

„Тука сум веќе две недели, со агенцијата Body London.

И, иако првично мојата цел беше да останам само за време на London Fashion Week, со оглед на многубројните опции за фотосесии, одлучив да останам и во следните два месеца.

Бројните фотосесии што ми се понудија, како и шансите за работа со некои од најпознатите брендови, ме натераа да останам подолго и да ја искористам секоја прилика.

Неколку дена по моето пристигнување во Лондон, ја имав честа да се фотографирам за познатиот бренд Jaded London - беше фантастично искуство да работам со таков светски бренд, кој е познат по своите уникатни дизајни. 

Како што продолжи модната недела, се отворија нови можности. До сега, учествував во ревии за шест различни дизајнери, меѓу кои што се Songs of Siren, Karina Bond, Singularite и Ongang.

Веќе денес, веднаш по завршувањето на модната недела, патувам кон Манчестар, каде што ќе имам фотосесија за познатиот бренд за козметика Fyne Cosmetics. 

Сите овие настани и искуства ми овозможија да растам, не само како модел, туку и како личност, учејќи многу за различните аспекти на модната индустрија во Лондон“. 

Погледнете повеќе фотографии: 

Повеќе фотографии на следната страница...