„Најскапата облека секогаш е изложена напред“ - Поранешни вработени во ZARA откриваат тајни

Дали знаете во кој период е најдобро да се упатите во продавниците на ZARA, кога има најголеми попусти и што е она што не би требало никако да го правите? Поранешни вработени во ZARA откриваат тајни што обичните луѓе не ги знаат, а би им биле од корист…

Пред неколку месеци на социјалните мрежи топ тема беа тајните ознаки во ZARA, кои треба да ви помогнат при избирањето на вистинскиот број за вас, а годинава повеќе вработени на социјалните мрежи открија уште неколку тајни што би требало да ги знаете.

Погледнете во продолжение што би требало да знаете:

На кои рафтови треба да погледнете прво?

Поранешни вработени откриваат дека политиката на брендот е во предниот дел да се ставаат најскапите парчиња облека, за тие да се продадат први.

Оние што се на попуст и што се поевтини се распоредуваат во задниот дел.

Дали да пазарите онлајн или во продавница?

Поранешни вработени тврдат дека ако пазарите онлајн, тогаш ќе имате и многу поголем избор на облека, а одредени производи може да ги најдете и со попуст од 75 отсто.

Често во продавниците овие попусти не се достапни.

Кој е најдобар период за пазарење во продавница?

Ако сте од оние што мора да ја пробаат облеката пред да ја купат, тогаш треба да го изберете вистинскиот термин.

Според поранешни вработени, најдобар период за пазарење е во понеделник или во четврток, пред паузата за ручек. Во тие денови вообичаено пристигнува новата роба, а до пред паузата веќе е распоредена и нема многу гужва.

Во кои месеци се најголемите попусти?

Во ZARA има попусти пред промената на сезоната, кога може да ги купите омилените парчиња по многу помала цена од редовната.

Тие вообичаено се во јуни и во јануари, но брендот избегнува да ги рекламира.

Бидете внимателни со тестерите за шминка

Како и во секоја продавница, така и во ZARA треба да бидете внимателни со тестерите за шминка.

Поранешни вработени тврдат дека овие тестери не се менуваат често, ниту пак се чистат, така што ако ги испробате производите, тоа го правите на сопствен ризик.

Прочитајте и Трик кој вирално се шири: ZARA има тајни симболи за полесно бирање на соодветна големина – што означуваат?

Б. С. Б. | Црнобело