Непотребни грижи за сексот што ги имаат скоро сите, според експерт (18+)

Нормално е и мажите да имаат намалено либидо, а жените не треба да бидат опседнати со тоа да постигнат оргазам – главната цел треба да им биде задоволството.

Иако денес ни се достапни многу информации за сексот, постојат и митови кои им создаваат непотребни грижи на многумина.

А, секој лесно може да се ослободи од овие грижи со подобра едукација за сексот.

За оваа цел, секс терапевтот Трејси Кокс ги споделува најчестите непотребни грижи од кои луѓето треба да се ослободат.

Погледнете ги во продолжение:

Целта не е оргазмот, туку задоволството

Повеќето жени премногу се загрижени за оргазмите, а ова им создава непотребна анксиозност.

Според Трејси, оргазмот треба да биде како „десерт после добар оброк“.

Паровите кои имаат добар сексуален живот не се фокусираат само на оргазмот, туку на целото искуство и задоволство.

Желбата за секс се менува во текот на животот и тоа е нормално

Скоро сите парови се нашле во ситуација кога едниот од партнерите имал намалена желба за секс. И, ова е сосема нормално.

Проблемот е што многумина мислат дека намалената желба за секс значи намален интерес за партнерот, но ова не е точно.

Постојат безброј фактори кои влијаат на либидото, вклучувајќи стрес, здравствени проблеми, бременост, финансиски грижи, хормонални промени…

Трејси истакнува дека генерално, сè што има негативно влијание врз нашиот живот, може да има негативно влијание и врз либидото.

Кoга ќе се најдете во ваква ситуација, најважно е отворено да разговарате со партнерот за да ги избегнете недоразбирањата.

Жените не треба да се грижат за мирисот на вагината

Низ разговорите со нејзините пациентки, Трејси заклучила дека жените се загрижени за мирисот на својата вагина уште од многу ран возраст.

Таа истакнува дека оваа загриженост се влошува кога ќе се земат предвид бројните продукти низ продавниците кои ветуваат дека ќе го подобрат мирисот на вагината.

„Вагината не треба да мириса на јаготки или ванила.

Овие продукти не само што не се неопходни, туку можат да ја нарушат рамнотежата на флората.

Вагината има специфичен мирис, но не е непријатен“.

Трејси вели дека е доволно да носите памучна долна облека, а за миење да користите средство за интимна нега без мирис.

Ако, пак, забележите посилен или непријатен мирис или промени во исцедокот, тогаш консултирајте се со гинеколог.

Потребно е време за да станете сексуално компатибилни со партнерот

Многу луѓе мислат дека со вистинскиот партнер, уште на почетокот ќе бидат компатибилни кога станува збор за секс.

Но, Трејси вели дека иако е потребно да постои привлечност, потребно е и да помине време за со партнерот да научите што ви се допаѓа, а што не.

Зa да ја подобрите компатибилноста, важно е да бидете отворени со партнерот и да разговарате за вашиот сексуален живот.

И мажите можат да имаат ниско либидо

Постои мит дека мажите секогаш се расположени за секс.

Ова, секако, не е точно.

Како кај жените, и кај мажите желбата за секс е под влијание од многу работи.

И тие може да имаат намалено либидо од фактори како стрес, проблеми на работа, здравствени проблеми и слично.

Спирова С. | Црнобело