Помалку очигледни знаци дека ја привлекувате личноста што ви се допаѓа

Често трепка кога зборува со вас и ги крева веѓите кога ќе ве здогледа – неретко говорот на телото нè „издава“ и може да открие што навистина мислиме за некоја личност.

Дури и кога пробуваме да го контролираме секое движење, емоциите што ги чувствуваме за некоја личност некогаш се посилни и нè тераат несвесно да правиме работи со кои ги разоткриваме.

Осум знаци дека ѝ се доаѓате на некоја личност, кои не се многу очигледни:

Пробува да ги отстрани физичките пречки помеѓу вас

Ако, на пример, седите еден до друг и помеѓу вас има перница, личноста на којашто ѝ се допаѓате ќе ја тргне перницата.

Обрнете внимание дали оваа личност секогаш пробува да ги отстрани предметите кои се наоѓаат помеѓу вас кои се како физичка пречка.

Ако го прави тоа, дефинитивно ѝ се допаѓате.

Го почитува вашиот личен простор

Иако оваа личност сака да биде во ваша близина, бидејќи ѝ се допаѓате, го почитува вашиот личен простор.

Сепак, можно е да се случи да ја доближи главата до вас додека разговарате, нежно да ве допре на раката и слично.

Обрнете внимание на стапалата

Ако сте во група со тројца или повеќе луѓе, обрнете внимание кон каде се свртени стапалата на соговорниците.

Неретко, кога сме со повеќе луѓе, несвесно ги вртиме стапалата кон личноста која ни се допаѓа најмногу.

Ги крева веѓите додека зборувате

Ова е мал гест кој лесно може да биде превиден.

Ако личноста малку ги крева веѓите кога ќе ве виде или кога зборува со вас, голема е веројатноста да ѝ се допаѓате.

Внимава на држењето на телото покрај вас

Веројатно и самите имате забележано дека кога сте покрај личност што ви се допаѓа, пробувате да го држите телото исправено.

Скоро сите го правиме ова, некогаш и несвесно, обидувајќи се да изгледаме подобро во очите на личност што ни се допаѓа.

Обрнете внимание на одењето

Ако одите со оваа личност, обрнете внимание како се движи во однос на вас.

Доколку брза и се движи малку пред вас, најверојатно не ѝ се допаѓате.

Но, доколку се труди постојано да се движи покрај вас и со исто темпо како вашето, голема е веројатноста да ѝ се допаѓате.

Често трепкање

Кога разговараме со личност што ни се допаѓа, несвесно трепкаме почесто поради возбудата што ја чувствуваме.

Обрнете внимание на положбата на рацете

Кога маж зборува со жена што му се допаѓа, несвесно пробува да ја покаже својата ранливост.

Обично, мажите го прават ова така што ги поставуваат рацете на колковите.

Доколку ги прекрсти рацете, тогаш изгледа како да зазема одбранбен став и најверојатно не му се допаѓате.

Истото важи и доколку ги стави рацете во џебовите.

Спирова С. | Црнобело