Кои застарени однесувања на мажите ја убиваат желбата за секс кај партнерката?

Мажот очекува жената да ги врши секојдневните обврски, да мие садови, да пере и да чисти и да се однесува кон него како мајка... Кои однесувања на мажите ја убиваат желбата за секс кај жените?

Секс терапевтот Сари Купер, за Psychology Today се осврна на едно поново истражување кое укажува на тоа колку наметнатите општествени норми и очекувања во бракот влијаат негативно врз либидото на жената и ја убиваат нејзината желба за секс.

Според истражувањето, постојат 4 психолошки грешки што мажите ги прават во бракот, кои се дел од застарената традиција на односи и со нив несвесно ја убиваат желбата за секс кај партнерката.

Кои навики може да ја убијат желбата за секс кај партнерката, а најчесто се научени од постарите генерации?

Неправилната поделба на обврските води до различна желба за секс

Во голем број семејства, работните обврски сè уште се делат на „машки“ и на „женски“. Жените се одговорни за готвење, миење садови, чистење и перење облека, а мажите се грижат за поправки низ домот и за автомобилот.

Јасно е дека мажите имаат обврски што се случуваат многу поретко, додека жената треба да биде секојдневен роб во домот.

„Оваа неправилна распределба на обврските предизвикува стрес кај жените и ја намалува желбата за секс.

Оваа нееднаквост влијае и на сексуалниот живот врз партнерите. Секојдневните обврски може да создадат голем стрес.

Со тоа што постојано им се трупаат нови обврски, жените чувствуваат дека сексот не им е приоритетен.

Ним им е поважно сметките да се платени, куќата да е чиста, да ги завршат сите обврски, отколку да имаат секс“ – вели таа.

Мажот очекува партнерката да му биде мајка

Особено откако ќе станат мајки, жените почнуваат за сопругот да ги прават истите работи што ги прават за своите деца. Му купуваат облека, го потсетуваат на важните работи и обврски, ја планираат, набавуваат состојки и ја подготвуваат вечерата секој ден.

Кога партнерот очекува партнерката да го третира како да му е мајка, тоа со сигурност може да ја намали желбата за секс кај жената.

„Жената не би сакала да има ваква улога во нивниот меѓусебен однос и тоа може да ѝ ја намали желбата за секс“ – вели Сари.

На партнерот му е поважен изгледот на жената отколку таа самата

Кога партнерот многу повеќе е сконцентриран на изгледот на партнерката, нејзините желби и потреби не се веќе приоритет.

„Многу мажи веруваат дека телото на жената му е дадено како подарок со венчаницата.

Тие може да имаат секс кога и да посакаат, а жената треба веднаш да прифати.

Желбата за секс кај жената се поврзува со тоа дали мажот ги смета за привлечни, па наместо да се сконцентрираат на сопствените потреби, тие се опседнати со сопствениот изглед“ – вели докторката.

Таа додава дека жените со пониска самодоверба имаат помала желба за секс и поретко уживаат во сексуалното задоволство.

Ако во врската се очекува само мажот да иницира секс, жената ја губи желбата

Голем број парови веруваат дека мажот е тој што треба да иницира секс и жената се чувствува неудобно секогаш кога треба да го направи првиот чекор.

Жената што самоволно иницира секс може да е нарекувана со погрдни зборови, а оние што ги одбиваат мажите за секс се нарекувани ‘затапени’ и ‘стегнати’.

Најчесто ваквото однесување доведува жената да не може да почувствува вистинско задоволство за време на сексот, заради што кај нив се намалува желбата за секс.

„Најчесто жените во ваквите заедници сексот го сметаат само како уште една обврска, што не смеат да ја одбијат за да не се соочат со гневот на партнерот, иако воопшто немаат желба за интимни односи“ - вели докторката.

Б. С. Б. | Црнобело