5 совети за да му помогнете на партнерот да не доживее брз оргазам (и да не останете разочарани)

Знаете ли дека кегеловите вежби можат да му помогнат на партнерот полесно да ја контролира ејакулацијата? Кои други совети треба да ги знаете ако сакате да му помогнете на партнерот кој премногу брзо доживува оргазам или има проблеми со предвремена ејакулација?

Не е тајна дека голем број мажи побрзо постигнуваат оргазам од нивните партнерки или имаат проблем со предвремена ејакулација, што може да предизвикува фрустрации во врската.

Иако многу мажи можат да најдат други начини за да ѝ ја обезбедат потребната возбуда на партерката за и таа да стигне до оргазам, сепак и жените можат да направат нешто за да им помогнат сексуалниот чин да трае подолго и следното задоволство што ќе го доживеат да биде истовремено со партнерот.

Кои 5 трикови треба да ги знаете за да му помогнете на партнерот да не доживее брз или предвремен оргазам?

Почнете бавно

За партнерот да може да издржи подолго, најдобро е самиот сексуален чин да започне бавно, односно по една пенетрација на неколку секунди, а дури подоцна да се забрза.

Ако партнерот чувствува дека е блиску до оргазам, би требало да застане и да одмори додека да успее да постигне контрола врз себе за да може да продолжи.

Долга предигра

Долгата предигра може да направи „чуда“ доколку партнерот има проблем со предвремена ејакулација или брзи оргазми.

За време на предиграта може и двајцата да стигнете до оргазам, што ќе направи самиот сексуален чин да се одвива подолго и побавно.

Со оглед на тоа што на голем број мажи им треба повеќе време да „се опорават“ по првиот оргазам, предиграта може да трае долго, со што е загарантирано дека и партнерката ќе го добие времето што ѝ потребно за да стигне до врвот.

Кегелови вежби

Најчесто кегеловите вежби се поврзуваат со жените, но и на мажите можат да им помогнат да ги зацврстат мускулите во карличниот предел.

Вежбата е мошне лесна. Потребно е само да ги стегнете мускулите во карличниот дел, односно истите оние мускули што ги користите при уринирање. Држете ги стегнати од 3 до 5 секунди, а потоа опуштете ги.

На овој начин ќе успеете да развиете самокотрола и полесно да ја контролирате ејакулацијата, а вежбите може да придонесат и за поцврста ерекција.

Користете кондом

Секој маж ќе ви каже дека користењето кондоми го намалува задоволството за време на секс, но користењето презервативи може да ви помогне сексуалниот чин да трае подолго.

Сменете ја позата

Ако партнерот има некоја секс поза што брзо го води до оргазам, тогаш пробајте нешто ново.

Се верува дека класичната мисионерска и секс позите во кои партнерката е горе може да му помогнат на партнерот да избегне брз оргазам.

Избегнувајте ја кучешката секс поза.

Б. С. Б. | Црнобело