Зошто е важно да носите квалитетни спортски патики?

Правилно избраните патики навистина ја прават разликата. Без разлика дали шетате низ град, играте кошарка или пешачите, спортските патики ќе ви овозможат удобност.

Ако барате нови патики и немате идеја од каде да тргнете, имаме неколку совети кои ќе ви заштедат време и нерви.

Квалитетните патики не се ефтини, затоа многумина не можат да си дозволат два или повеќе пара спортски патики, па најчесто користат еден пар патики на многу начини, што во никој случај не е паметно или здраво.

Имено, различните движења во различни спортови ги оптоваруваат стапалото и глуждот на различен начин. Затоа е важно да се изберат вистинските обувки за да се избегнат несреќи и повреди.

Патики за трчање се меки во пределот на прстите, а тврди на петиците, за ударите полесно да се амортизираат. Патики за пешачење се пофлексибилни, додека патики за лов и планинарење треба да бидат високи и цврсти околу глуждот, за заштита од камења и гранки.

Изберете ги патиките според формата на стапалото

Дури и најдобро дизајнираните патики во светот нема да ја завршат својата работа ако не ви одговараат на ногата. Не размислувајте само за големината на нозете, бидејќи тој број се менува во текот на животот.

Можеби не знаевте, но најдобро е да купувате патики на крајот на денот, кога нозете и стапалата ви се уморни од секојдневните активности, а зглобовите отечени. Доколку тогаш ви одговараат патиките, тоа значи дека ќе ви бидат добри во секое време.

Ниту еден пар патики не трае вечно

Колку повеќе ги користите, толку побрзо патиките ќе се истрошат и повеќе нема да бидат толку удобни, ниту безбедни. Ако по тренингот (иако ги носите вашите омилени патики) чувствувате умор во нозете или прстите, време е да ги замените.

Секоја спортска опрема има свој животен век. Колку долго ќе можете да ги носите вашите патики зависи од голем број фактори, како што се подлогата на која се користат, килограмите, вашиот стил на одење или трчање и нивниот квалитет.

Ашера | Црнобело