Фото-доказ дека животните се мајстори за камуфлажа - ја гледате ли птицата на фотографијата?

Животните се експерти за тоа како да се скријат среде бел ден и да се „стопат“ со позадината. Така и оваа птица успешно се камуфлирала во дрвото, па ако не обрнете посебно внимание воопшто и нема да ја забележите.

Едсел Џејмс С. Батуигас од Барнаби, Канада успеал да ги направи фотографиите додека се шетал низ Британска Колумбија.

Фотографот патувал со автомобил цели пет часа за да стаса до местото каде го забележал големиот сив був, а вели дека сосема случајно го забележал.

„Планирав да најдам голем сив був тој ден. Возев низ шумскиот пат и барав големи сиви бувови, па затоа ги прегледував сите дрвја и се надевав дека ќе најдам еден во пладневните часови, кога обично се одмараат.

Тогаш сосема случајно забележав дека нешто се движи на дрвото и тогаш сфатив дека бувот итро се камуфлирал во стеблото. Ако не ме погледнеше, ќе го пропуштев“ – вели фотографот.

Го забележувате ли вие бувот на фотографиите?

Б. С. Б. | Црнобело