Вирално видео: Како крокодилите ја поминуваат зимата во замрзната вода?

Кога ќе почувствуваат дека температурата е многу ниска и водата околу нив ќе замрзне, крокодилите го вадат носот над површината и замрзнуваат, влегувајќи во состојба на вид хибернација

Деновиве Американците споделуваат видеа и фотки на социјалните мрежи на кои се гледаат крокодили во замрзнати езера и реки.

Кон крајот на јануари, дел од американската држава Тексас ја зафати голем студ, со температури пониски и од -7 степени Целзиусови.

Поради ова, замрзнаа многу езера и реки и луѓето почнаа да ги забележуваат и замрзнатите крокодили во нив.

На фотките и видеата, целото тело на крокодилите е под вода и е замрзнато, освен нивниот нос кој ѕирка над површината.

Иако снимките делуваат и по малку вознемирувачки, сепак се огласија неколку експерти кои објаснуваат дека на овој начин крокодилите го преживуваат мразот.

@gatorcountrytx

Alligators during the Artic Freeze 2025 Texas#snow #articfreeze #reptiles #alligators #cold #2025 #nature #wildlife #hibernation #brumation #amazinganimals @user817394283838 @Gator Leo @Gator Jake @arliegator @garysaurage @eddie h @Callie Bailey @Alyssa Williamson

♬ original sound - Gator Country TX

ТикТок видео објавено уште минатата година почна повторно да се споделува бидејќи експерт има објаснување за необичниот феномен.

Тој вели дека на видеото се гледа американски крокодил (кој живее во Средна Америка) кој почувствувал дека езерото ќе замрзне.

Па, затоа го извадил само носот над површината и дозволил неговото тело да замрзне.

И, сè додека носот му е над водата, крокодилот би требало да преживее.

@eddiehanhart123

The amarican alliagtor is absolutely magnificent!! @Gator Country TX #americanalligator #gatorcountrybmt

♬ original sound - eddie h

Ова е сосема нормално однесување за крокодили и е еден вид хибернација.

Кај цицачите, хибернацијата, позната и како зимски сон, е состојба во која метаболизмот забавува и телесната температура се спушта.

И влекачите имаат слична состојба, која е позната како брумација и малку се разликува од хибернацијата.

За разлика од цицачите, влекачите, вклучувајќи ги и крокодилите, кога се во состојба на брумација имаат периоди на активност и се свесни за нивното опкружување.

Но, нивниот метаболизам сепак се забавува.

Влекачите влегуваат во состојба на брумација во зима или кога се соочени со подолг пeриод на ниски температури.

Крокодилите, пак, може да брумираат на дното на езеро или мочуриште и да излезат на површината кога ќе им треба кислород.

Ако почувствуваат дека температурата е многу ниска и дека водата околу нив ќе замрзне, тогаш само го вадат носот над површината, како на виралните видеа.

Бидејќи метаболизмот им е многу забавен, можат да преживеат во оваа положба додека водата да одмрзне.

Спирова С. | Црнобело