„Морско чудовиште“ е хит на социјалните мрежи – За какво животно се работи и дали е опасно? (видео)

„Што е ова?“ – прашуваат голем број од корисниците на социјалните мрежи откако еден балкански твитерџија одлучи да сподели видео од ретко морско животно. Малкумина знаат дека станува збор за еден од најретките октоподи во светот.

На социјалните мрежи вирално се споделува видео на кое се гледа мошне чудно морско животно, кое делува по малку застрашувачки. Еден од балканските твитерџии одлучи да се пошегува, па го објави видеото и над него напиша:

„Веќе не одам на море“.

Na more vise ne idem😂

pic.twitter.com/AzHsfnTRZn

— ZEKKI🇷🇸 (@ZekiPejic) January 2, 2024

Тој доби голем број коментари од луѓе што се изненадени и се прашуваат какво е тоа „чудовиште“ што било снимено како плива во близина на морскиот брег.

Одговорите што ги доби се најразлични, некои коментираат дека станува збор за „морско чудовиште“, други дека е за некој нов вид морско животно кое настанало како последица на радијацијата од Фукушима, а трети, пак, тврдат дека е лигња или октопод.

Иако не се знае каде точно е снимено видеото, познавачите на морскиот свет се сигурни дека станува збор за реткиот вид шарен октопод, попознат како октопод-ќебе (Blanket octopus).

Ова се мошне ретки морски видови и само мал број луѓе можат да се пофалат дека имале можност да ги видат во живо.

Живеат во суптропските и тропските океани (околу Јужна и Централна Америка, околу двата брега на Африка, Индија, Јапонија, Австралија).

Најчесто опстојуваат помеѓу коралните брегови, а познато е дека се номади и на неколку дена се селат од едно на друго место.

Најинтересно е што овие октоподи имаат посебен начин на ловење, па помалите риби ги ловат со помош на пипало откинато од отровна медуза.

Уште еден интересен податок за нив е што мажјаците и женките важат за еден од најнеусогласените парови во морскиот свет.

Мажјаците се со големина на еден орев, со големина од околу 1,4 сантиметри, додека женките може да достигнат должина од околу 2 метри.

Се верува дека ваквата огромна разлика се должи на тоа што мажјаците се сконцентрирани само на наоѓање женки, а не на растење.

@marine.bio.john

#stitch with @The Oracle #marinebiojohn #marinebiology #octopus #manowar #sciencetok

♬ original sound - Marine Bio John

Б. С. Б. | Црнобело