Последни подготовки за Велигден – аранжирање на велигденските јајца

Велигден е веднаш зад аголот, и додека одбројуваме до еден од најголемите христијански празници, веројатно сите размислуваме на начинот на кој ќе ги аранжираме и послужиме велигденските јајца во домот.

Сите имаме по некоја омилена украсна чинија или кошница, која ја декорираме и со задоволство ги покажуваме нашите мали уметнички дела.

Но, доколку сте расположени да испробате нешто ново и различно, погледнете ги овие едноставни декоративни идеи, за кои нема да ви биде потребно премногу време или пари, а ќе изгледаат божествено на вашата велигденска трпеза.

 Велигденски јајца во птичјо гнездо

Гнездото во кое ќе ги сместите велигденските јајца може да го изработите од гранчиња, во комбинација со сено, трева, цвеќиња или машнички, по ваша желба.

Јајца во стаклено ѕвоно

За оваа креативна идеја ќе виде биде потребно стаклено ѕвоно, а одлично може да послужи и чинијата за торта со нејзиниот стаклен капак.

Оваа идеја може да се искомбинира со првата и под стаклениот капак да ги наместите јајцата во гнездо, со различни додатоци, мали порцелански украси, пеперутки или христијански симболи.

 

Јајца во чинии на спратови

Ова е одлична можност да ја пренамените употребата на чиниите на спратови за послужување колачиња. Овојпат во нив послужете ги велигденските јајца. Додатете сено, цветни декорации, интересен додаток како мала куќичка за птици, па дури и мали свеќички.

Уживајте во декоративните аранжмани за Велигден.