Велигденски јајца

Потребно е : јајца, жолчка, тенка четкичка за боење.

Начин на подготовка: Јајцата се варат, се изладуваат и се бришат со крпа да бидат потполно суви. Една свежа жолчка малку се изматува и со неа со четкичка се црта по јајцето. Се остава да се исуши жолчката, па се фарба јајцето во млака боја. Подоцна жолчката се симнува, а шарите остануваат. Оваа метода е многу подобра и попрактична од восочната техника.

Шарени велигденски јајца

Потребно е : 30 јајца, по една кесичка од следните бои за јајца: црвена, виолетова, зелена, жолта и сина. Метална корпа за јајца (од фритеза или метална цедилка)

Начин на подготовка: Тврдо сварените јајца се цедат од водата. Во поширок сад се става малку вода (околу два прста). Потоа во тоа тенџере се става металната корпа во која се редат сварените јајца така што да бидат над водата во тенџерето. Преку јајцата нерамномерно се истураат боите во прав од кесичките, па сто тоа добро се затвора најдобро со две крпи одозгора и се варат јајцата на тивка пареа десетина минути. Ќе добиете неверојатно шарени јајца. Изладените јајца премачкајте ги со зејтин за да добијат сјај.

Мермерни велигденски јајца

Потребно е: јајца, лушпи од кромид и алуминиумска фолија.

Начин на подготовка: Се сечкаат лушпите од кромидот. Се зема едно живо јајце, се витка со исечканите лушпи, па се замотува во фолија. Така завиткабит ејајца се варат во тенџере околу 8 минути. Кога ќе се сварат јајцата , се вадат од водата и се одмотуваат од фолијата и лушпите, па се оставаат да се изладат. Потоа се мачкаат со зејтин. Шарата на јајцата добиена со ваков начин на вапсување е како мермер.