Исчезнати авиони, ни трага од патниците – Најголемите мистерии во воздухопловството

На 8 март 2014 година, летот MH370 на Malaysia Airlines полета од Куала Лумпур кон Пекинг. Со 227 патници и 12 членови на екипажот, 39 минути по полетувањето, авионот изгубил контакт со контролорите...

Исчезнувањето на патнички авион е една од работите кои го привлекуваат вниманието на целиот свет.

Низ годините годините, имаат исчезнато авиони кои зад себе не оставиле никаква трага, а некои одговори не биле никогаш добиени.

Во продолжение дел од најзбунувачките исчезнувања во историјата на авијацијата:

Летот MH370 на Malaysia Airline

На 8 март 2014 година, летот MH370 на Malaysia Airline полетал од Куала Лумпур кон Пекинг.

Со 227 патници и 12 членови на екипажот, 39 минути по полетувањето, авионот изгубил контакт со контролорите.

И покрај големите напори за пребарување, пронајдени беа само мали фрагменти, оставајќи ја судбината на летот MH370 и неговите патници да биде енигма.

Прочитајте и: Го украле вонземјани, терористички напад – (луди) теории за исчезнувањето на летот 370 на Malаysia Airlines

Летот AF447 на Air France 

На 31 мај 2009 година, летот AF447 на Air France тргнал од Рио де Жанеиро кон Париз.

Со 228 патници, авионот наишол на лоши временски услови над Атлантскиот Океан и испратил автоматизирани пораки што укажуваат на технички дефекти.

Остатоците од авионот биле лоцирани по две години, откривајќи дека до трагедија довела механичка неисправност и грешка на пилотот.

Сепак, доцнењето со пронаоѓањето на авионот ја продлабочи мистеријата околу ова исчезнување.

Летот 739 на Flying Tiger Line 

Во 1962 година, летот 739 на Flying Tiger Line, со 93 американски војници и 11 членови на екипажот, исчезнал над Тихиот Океан.

По долго пребарување, не биле пронајдени докази за несреќата, оставајќи ја целата ситуација необјаснета.

Авионот Star Tiger на British South American Airways  

На 30 јануари 1948 година, авион на British South American Airways летал со 25 патници и 6 членови на екипажот на релација од Азорските Острови до Бермудските Острови.

Во неповолни временски услови, авионот изгубил контакт и никогаш повеќе не бил виден.

Исчезнувањето поттикнало дискусии за безбедноста на летовите на долги релации и мистериите на Бермудскиот Триаголник.

Авионот Star Ariel на British South American Airways

Една година по инцидентот на Star Tiger, друг авион на истата компанија, Start Ariel, исчезнал на 17 јануари 1949 година.

Авионот летал од Бермудските Острови до Кингстон, Јамајка, со 13 патници и 7 членови на екипажот.

И покрај добрите временски услови, авионот исчезнал, поттикнувајќи дополнителни шпекулации за наводната опасност на Бермудскиот Триаголник.

BSAA Avro Lancastrian Star Dust

BSAA Avro Lancastrian Star Dust исчезнал на 2 август 1947 година, летајќи од Буенос Аирес до Сантијаго, Чиле.

Авионот, кој превезувал шест патници и пет членови на екипажот, пред да исчезне испратил порака со Морзеов код.

Неколку децении подоцна, остатоците биле откриени на глечер, што укажува на тоа дека авионот се урнал на Андите, но сепак, многу прашања остануваат неодговорени.

Летот 967 на Varig Brazilian Airlines 

Товарниот авион исчезнал на 30 јануари 1979 година, за време на летот од Токио до Рио де Жанеиро.

Со вредна колекција слики и шест членови на екипажот во авионот, последната комуникација со него била направена над Тихиот Океан.

Ниту една трага од авионот ниту, пак, од неговиот товар не била пронајдена, оставајќи празнина во светот на уметноста и мистерија во светот на авијацијата.

М. Ѓ. | Црнобело