Американец нашол чудна и морничава пештера во близина на Област 51 – исчезнал кога отишол да ја види уште еднаш

Во 2014 година, Кени од САД напиша коментар на Јутјуб во кој зборува за чудна пештера што ја нашол во близина на Област 51 (Ареа 51). Кога сакал да влезе во пештерата, телото почнало да му вибрира, по што избегал. Коментарот се прослави, и Кени беше мотивиран повторно да ја најде пештерата, но овојпат да ја снима. За жал, по вториот обид Кени исчезна, а до денес од него нема ни трага, ни глас.

Судбината на јутјуберот Кени Вич од САД кој исчезна во пештера во близина на Област 51 е една од најпопуларните урбани легенди во Невада. Област 51, позната и како Ареа 51, е воена база во САД за која кружат безброј теории на заговор.

Поради таинственоста на местото, многумина сметаат дека овде се чуваат докази за постоење на вонземјани и што уште не.

Во 2014 година, на видео за Област 51 во Невада, САД, Кени Вич напишал коментар во кој спомнува чудна пештера што ја нашол во областа.

Тој не ни бил свесен колкава популарност ќе стекне коментарот, но и дека ќе почне серија настани кои завршуваат трагично за него.

Кени пешачел во близина на воздушната база Nellis, која се наоѓа во близина на Област 51.

„Еднаш за време на моите прошетки покрај воздушната воена база Nellis најдов скриена пештера. Влезот на пештерата имаше совршена форма како буквата М.

Секогаш сум влегувал во секоја пештера што ќе ја најдам, но како што почнав да влегувам во оваа пештера, целото тело почна да ми вибрира. Колку повеќе се доближував до пештерата, толку полошо стануваше вибрирањето.

Одеднаш многу се исплаши и избегав оттаму. Ова е една од најчудните работи што ми се имаат случено“.

Многумина не му веруваа на Кени, а оние кои беа заинтригирани од неговото искуство, го мотивираа повторно да оди во пештерата и овојпат да ја снима.

На 18-ти октомври 2014 година, Кени објави видео насловено M Cave Hike (планинарење до пештерата М).

Во описот, Кени вели дека ја бара чудната пештера што ја сретнал на претходна прошетка.

Овојпат, Кени понел и мал пиштол, но во видеото открива дека не успеал да ја лоцира пештерата.

Во коментари, многу јутјубери го критикуваа и го обвинуваа дека лаже и го провоцираа да оди во пештерата уште еднаш.

Од многуте коментари, се издвојува еден кој го предупредува Кени:

„Не, не оди таму. Ако ја најдеш пештерата, не влегувај внатре. Ако влезеш, нема да излезеш“.

Сепак, во бројни коментари Кени истакнува дека шетањето и истражувањето на пустината не е ништо ново за него и дека не се плаши. Сепак, истакнува дека пештерата во Невада била застрашувачка.

„Сам се качувам на планински врвови на кои другите не би се осмелиле да одат. Сум бил по повеќе пештери отколку што можам да избројам. Но, оваа пештера надминува сè што имам сретнато“.

Продолжува на следната страница...