На 14 години користел дрога, бил во затвор со Чарлс Менсон, а денес им помага на зависници – Факти за актерот Дени Трехо

Сопственик е на неколку ресторани и барови

Покрај успешната актерска кариера, Дени Трехо е сопственик на неколку ресторани, барови и продавници за крофни.

И, неговата империја денес се проценува на 100 милиони долари.

А, во своите локали, неретко вработува луѓе кои биле во затвор или биле зависници, со цел да им помогне да се интегрираат во општеството, но и да се држат настрана од криминал и пороци.

Храната што останува во неговите ресторани ја донира во засолништа

Во локалите на Дени останува многу храна, како крофни кои не се продале во текот на денот.

Но, тој вели дека одбива да ја фрла. Наместо тоа, храната која е добра за јадење, ја донира.

„Испраќаме многу храна за бездомниците. Не чуваме ништо преку ноќ и храната која е добра за јадење оди во засолништа за бездомници.

На овој начин, јас го споделувам мојот успех со другите“, има изјавено актерот.

Користи каскадери за да не ги остави без работа

Ликовите што ги глуми Дени Трехо честопати се наоѓаат во опасни ситуации, како тепачки и бркотници со автомобили.

И, актерот вели дека би сакал самиот да ги снима овие сцени, но не сака каскадерите да останат без работа.

„Важно е да ви биде јасно дека снимањето филмови е бизнис. Реално, осигурителните компании не дозволуваат ние актерите да ги снимаме опасните сцени и имаме професионалци за тоа.

Како што јас сум професионален актер, има професионални каскадери. А, ако јас им се мешам во професијата, ризикувам да си го загубат работното место.

Мојот каскадер се вика Норм Мора и тоа е негова професија, а јас нема да му ја земам“.

Спасил бебе по сообраќајка

Во август 2019 година, актерот сведочел на сообраќајка во Лос Анџелес. На улицата имало превртен автомобил, а внатре имало мајка со бебе.

Дени, со помош од уште еден случаен минувач, успеал да го преврти автомобилот и да ги извлече мајката и детето надвор.

Сепак, на прашањата дали се чувствува како херој, актерот само изјави:

„Тоа дете беше спасено од неговото безбедносно седиште, не од мене“.

Се има појавено во речиси 400 филмови и серии

Ако го отворите профилот на Дени Трехо на IMDb, ќе забележите дека како актер се има појавено во дури 437 филмови и серии.

А, има работено како продуцент на 11 проекти.

Дел од најпознатите улоги на актерот се во филмовите Machete, From Dusk Till Dawn, Predators, Spy Kids…

Спирова С. | Црнобело