Роналдо удри аутистично дете, па му се извини со бесплатни билети – Како одговори мајката?

Детали

петок, 15 април 2022

„Ако некој го удреше на улица и потоа го поканеше на вечера, сигурно немаше да одиме. Што дека тој е Кристијано Роналдо, не му должиме ништо“ – вели мајката на аутистичното дете што настрада во изливот на бес на Кристијано Роналдо по загубениот натпревар.

Светски познатиот фудбалер Кристијано Роналдо е познат по тоа дека не знае како да прифати пораз, а минатата недела предизвика вистински инцидент откако замавна со раката и му го скрши мобилниот телефон на 14-годишно дете.

Како реагира мајката на детето?

По натпреварот од саботата во кој Манчестер загуби од Евертон, Кристијано Роналдо кога се движеше кон соблекувалните предизвика вистински инцидент и го удри 14-годишно аутистично дете Џејк Хардинг и му го скрши телефонот со кој го снимаше.

Ronaldo assaulted a kid because he lost a game. Crazy https://t.co/2Cr6mYNqT4

— MC (@CrewsMat10) April 9, 2022

Мајката Сара Кели вели дека го однела нејзиниот 14-годишен син да го погледне натпреварот и да навива за Евертон, а момчето било мошне возбудено затоа што неговиот тим победил.

По инцидентот со Роналдо, мајката тврди дека раката на нејзиниот син има модринки, а фотографии од неговата рака беа објавени и во медиумите.

Сара појаснува дека ова бил фудбалски натпревар што момчето го гледало во живо, а дека немилиот настан го оставил во шок, иако заради аутизмот и диспраксијата му требало малку повеќе време да сфати што се случило.

Уште повеќе, проблемот бил во тоа што детето иако е обожавател на Евертон било мошне возбудено затоа што ќе го види својот идол Кристијано Роналдо.

„Тој му е идол. Да, син ми е од Евертон, но Роналдо е голем играч. Син ми беше пресреќен затоа што Роналдо ќе биде на стадионот“ – вели мајката.

Роналдо јавно се извини за настанот на Инстаграм и го повика момчето да дојде бесплатно да гледа натпревар на Олд Трафорд.

„Ако некој го удреше на улица и потоа го поканеше на вечера, сигурно немаше да одиме. Што дека тој е Кристијано Роналдо, не му должиме ништо, а тој се однесува како да му должиме услуга.

Ја одбивме понудата затоа што Џејк не сака да оди таму и да го види Роналдо“ – рече мајката и додаде дека сега сè е во рацете на полицијата.

Б. С. Б. | Црнобело