Рекорд за мртовечки сандаци

Детали

среда, 06 мај 2009

Австрискиот работник ќе добие награда затоа што сам, без ничија помош, изработил повеќе од 700.000 мртовечки сандаци во текот на својот работен век и така...

... го поставува најнеобичниот светскиот рекорд, кој е признаен и запишан во Гинисовата книга на рекорди. Тој изработил повеќе сандаци од било кој столар во светот.

Херберт Вебер кој има 50 години, го работи овој зананет веќе 31 година, а од тогаш изработил точно 707.335 мртовечки сандаци за компанијата Мосер.

Оваа бројка на сандаци е доволна, на пример, три пати да се закопаат сите жители на Граз, вториот град по големина  во Австрија.

Вебер ќе го прими признанието на овогодинешната свеченост при Меѓународниот погребален саем, кој во сабота ќе се одржи во Салзбург.

"За изработка на мртовечки сандаци, потребна е огромна точност и вештина", велат гордите работодавачи од фирмата Мосер.