Куба опустошена од природни катастрофи – по ураганите, земјотрес со јачина од 6,8 степени (фото+видео)

Детали

понеделник, 11 ноември 2024

По двата урагани од крајот на октомври и почетокот на ноември, сега жителите на Куба се соочени од пустошот предизвикан од земјотрес со јачина од 6,8 степени.

По ураганот Рафаел што ја погоди Куба минатата недела, викендов островската земја се соочи и со разорен земјотрес.

Ураганот предизвика проблеми во електричната мрежа на земјата, па околу десет милини луѓе останаа без струја.

Покрај тоа, ураганот предизвика и голема материјална штета, но за среќа нема загинати.

Претходно, кон крајот на октомври, дел од Куба беше опустошен од уште еден ураган – Оскар – кој исто така предизвика проблеми со електричната мрежа.

А, дотогаш локалците веќе се соочуваа со недостаток од струја поради енергетската криза во земјата.

Иако овој ураган беше послаб, сепак загинаа шест лица.

И, додека земјата закрепнува од ураганите, во неделата (10.11) беше погодена и од земјотрес со јачина од 6,8 степени.

Земјотресот најсилно бил почувствуван во источните делови на островот, вклучувајќи го и градот Сантјаго де Куба.

Според CNN, штетата уште се утврдува, но познато е дека има уништени градби, а земјотресот предизвикал и свлекување на земјиштето во некои области. Засега не е познато дали има жртви и повредени.

Според експертите, земјотресот иако јак, не претставува закана за цунами, единствено можеби поголеми бранови во близина на епицентарот.

Фотографии и видеа од земјотресот споделени на Твитер:

Спирова С. | Црнобело