Кога си платил за одмор: Вирално видео од маж кој седи во базен среде ураган

Детали

петок, 05 јули 2024

„Вака изгледа кога си платил скапо за одмор и местото е погодено од ураган!“ – се шегуваат корисниците на социјалните мрежи, откако еден маж беше снимен како не излегува од базенот во хотел среде ураганот Берил, кој деновиве дивее низ Атлантскиот Океан.

Ураганот Берил ја погоди Јамајка, со силни ветрови кои се движеле со брзина до 215 километри на час, а потоа ослабен се упати кон Мексико.

Во Доминиканска Република, пак, биле забележани огромни бранови и ветришта уште пред два дена (03.07).

Но, на социјалните мрежи едно видео стана вистински хит заради лудоста и храброста на човекот, кој не сакал да дозволи ураганот да му го уништи одморот.

Американката Клои Александер во моментов со семејството е на одмор во Пунта Кана во Доминиканска Република, а за време на ураганот Берил, таа од својата хотелска соба успеала да сними несекојдневна глетка и ја објави на ТикТок.

Во само неколку часа, видеото вирално се прошири на социјалните мрежи.

За време на најголемите ветришта, маж не сака да излезе од базенот во хотелот и со очила храбро го пречекува невремето.

„Ниту ураганот Берил не може да му го расипе одморот“ – напиша таа во описот.

Коментарите под нејзиното видео се смешни, иако сите се свесни дека тоа што овој човек го прави е мошне опасно.

„Си рекол: ‘Платив за одморов и ќе искористам сѐ што можам’“;

„Го избрав хотелов само заради базенот и никој нема да ме извади одовде“;

„Најверојатно си помислил дека секако ќе биде мокар, без разлика дали е во базенот или надвор од него“;

„Платив скапо за одморов – штета е да пропадне“ – стои во дел од коментарите.

Погледнете го видеото во продолжение:

Б. С. Б. | Црнобело