Моќен вирален текст за астронаутите заглавени во вселената: „Наместо 8 дена, останаа 286, а ние губиме трпение за ситници“

Детали

вторник, 25 март 2025

Мислиш дека твоите планови не испаднаа како што сакаш? Астронаутите Сунита и Бери мислеа дека ќе бидат во вселената само 8 дена. Останаа таму цели 286 дена. А ние тука? Го губиме трпението кога 10 минути заглавени во сообраќај ни го уништуваат денот.

По девет долги месеци на Меѓународната вселенска станица, астронаутите Сунита (Суни) Вилијамс и Бери (Буч) Вилмор, конечно, на 18-ти март, се вратија на Земјата.

Сега, на социјалните мрежи вирално кружи текст, инспириран од нивната ситуација, кој треба секој да го прочита.

Пораката е навистина моќна: „Кога овие луѓе се соочија и го издржаа ова - зошто вие да не можете да излезете на крај со вашите проблеми од секојдневието?“.

Инспиративниот текст гласи:

„Мислиш дека твоите планови не испаднаа како што сакаш?

Сунита Вилијамс и Бери Вилмор мислеа дека ќе бидат во вселената само 8 дена.
На крајот останаа таму цели 286 дена.

Буквално беа заглавени во вселената.

Замисли го ова:

- Пакуваш куфер за кратко патување, а наместо тоа, исчезнуваш речиси цела година.

- Нема свеж воздух. Нема вистинска храна. Никаков излез – само чекање во празнината на вселената.

- Без јасен одговор кога (или дури дали) ќе се вратиш дома.

А ние тука, го губиме трпението кога:

- 10 минути заглавени во сообраќај ни го уништуваат денот.

- Некој договор се одложува неколку дена/месеци.

- Еден мејл со одбивање нè тера да се откажеме.

Овие астронаути немале контрола врз својата ситуација. Не можеле едноставно да си резервираат лет назад.

Морале да прифатат, да се прилагодат, да останат смирени и да му веруваат на процесот - цели 286 дена неизвесност.
И успеаја.

Ако ТОА не е врвна лекција за трпение, истрајност и решавање проблеми, тогаш не знам што е.
Секој чест на овие легенди – не само што преживеаја, туку направија историја.

Следен пат кога животот ќе ни даде неочекувани одложувања, нека ни текне:
Барем не сме заглавени во вселената.

Животот ќе нè удира со изненадувања. Плановите ќе ни се расипуваат и сè ќе трае МНОГУ подолго од очекуваното.

Но, ако овие астронаути можеле да издржат девет месеци во вселената наместо осум дена, тогаш и ти и јас можеме да се справиме со неколку животни заобиколувања“.

Прочитајте и Заглавените астронаути се вратија на Земјата: Не можат да одат сами, може да имаат проблеми со срцето и видот

С. С. | Црнобело