Позната водителка извршила самоубиство, по 2 години и нејзиниот сопруг: Детали за трагедијата што ја потресе Австралија

Детали

четврток, 14 ноември 2024

Водителката Ерин Пламер од Австралија изврши самоубиство пред две години. Сега, не можејќи да се справи со загубата на саканата, се претпоставува дека и нејзиниот сопруг Алан си го одзел животот, откако беше пронајден мртов на плажа.

Во Австралија, ТВ водителката Ерин Џејн Пламер беше меѓу омилените на јавноста, сè до нејзината трагична смрт во 2022 година, кога изврши самоубиство.

Тогаш Ерин имаше само 42 години.

Сега, две години подоцна, и нејзиниот сопруг Алан (49) го изгуби животот, а постои сомнение дека и тој извршил самоубиство.

Алан и сопругата Ерин имаат три деца, на возраст од 18, 15 и 11 години.

Приватно, и Алан и Ерин биле позитивни личности, но пандемијата и локдаунот негативно се одразиле врз менталното здравје на водителката.

Според нејзини пријатели, Ерин бил прекрасна мајка и пријателка, но кога почнале проблемите со менталното здравје била како „сенка од личноста што ја знаеле“.

Истата промена била забележана и кај Алан, па затоа постои сомнеж дека извршил самоубиство.

Неколку детали за парот и нивната трагична смрт:

Ерин ја почнала кариерата во ТВ индустријата уште на многу млада возраст, откако снимала реклама за каналот NBC.

Потоа почнала да работи како презентерка и беше дел од бројни познати австралиски емисии.

Исто така, таа шест години водеше своја спортска емисија која ја следеа над 40 милиони гледачи.

Веста за трагичната смрт на Ерин ја споделија нејзини колешки од телевизијата во којашто работеше.

По трагедијата, беше отворена кампања на GoFundMe која имаше за цел да му помогне на сопругот Алан да се грижи за трите ќерки.

Беа собрани скоро 28.000 долари, а Алан самиот раскажуваше како добивал помош од сите соседи кои неретко им готвеле и храна.

Сепак, Алан тешко се справувал со смртта на сопругата, а наводно имал и други проблеми со здравјето.

Во септември годинава ја продал семејната куќа и планирал со најмладата ќерка да се пресели во Квинсленд, за да биде поблиску до другата ќерка која таму одела на училиште.

Најстарата ќерка на Алан и Ерин, пак, само што го прославила 18-тиот роденден, кога следниот ден било најдено телото на татко ѝ.

Алан излегол од дома во неделата (10.11), но откако не се вратил, негов пријател пријавил во полиција.

Само еден час подоцна, неговото тело било најдено на плажа, покрај карпа.

Засега се верува дека самит скокнал, но ова уште не е официјално потврдено.

Извори блиски до Алан и Ерин велат дека иако нивните ќерки останале без родители, нема да бидат оставени сами бидејќи Алан и Ерин имаат многу пријатели кои со задоволство ќе се грижат за нив.

Спирова С. | Црнобело