Не сакале елек за спасување за да не им се уништат фотките, иако не знаеле да пливаат - Кои се инфлуенсерките кои се удавија во Бразил?

Детали

среда, 30 октомври 2024

Се качиле во глисер повеќе луѓе од што треба, пловеле во најопасните води во близина на Сао Паоло, познати како „Ѓаволско грло“, не знаеле да пливаат, но одбиле да носат елеци за спасување за да не им се уништат линиите од сончање и фотките. Бразилски инфлуенсерки платија со животот за совршени фотки.

Две инфлуенсерки од Бразил се удавиле во близина во Сао Паоло, откако нивниот глисер потонал, додека се враќале кон копното, од забава на брод.

Според исказите на сведоци, инфлуенсерките одбиле да носат елеци за спасување, за да не им се расипат селфи фотките.

Алин Тамара Мореира де Аморим

Алин Тамара Мореира де Аморим (37) и Беатриз Таварез де Силва Фараиа (27) не ги послушале наредбите да стават елеци за спасување додека се враќале од забава на јахта, што се покажало како кобно.

„Дел од присутните во глисерот не сакале да ги стават елеците затоа што правеле селфи фотографии. Рекле дека сакаат да се сончаат“ – велат од бразилската полиција.

Беатриз Таварез де Силва Фараиа

Двете инфлуенсерки биле заедно со уште 4 други девојки на 29-ти септември годинава, со што глисерот бил претоварен, затоа што имал дозвола да пренесува само 4 патници во него.

Алин Тамара Мореира де Аморим

Девојките претходно постојано се снимале и објавувале фотки од забавата на јахтата, а потоа глисерот, со којшто се враќале кон копното, се превртел, по што двете девојки се воделе за исчезнати, а другите пет лица биле спасени.

Телото на првата инфлуенсерка било најдено истиот ден, а на втората инфлуенсерка, една недела подоцна.

Беатриз Таварез де Силва Фараиа

Според изјавите на блиските на Алин, таа не знаела воопшто да плива, а претходно не се познавале со Беатриз, туку се запознале на забавата на бродот.

Инаку, според пишувањата во бразилските медиуми, несреќата се случила на местото познато како „Ѓаволско грло“ (Garganta do Diabo), кое е познато по силните бранови и морските струи, па се смета за едно од најопасните места за пловидба во близина на Сао Паоло.

„Ѓаволско грло“

Б. С. Б. | Црнобело