Ист како татко му: Објавен нов црно-бел портрет на принцот Џорџ за неговиот 11-ти роденден, направен од Кејт

Детали

понеделник, 22 јули 2024

„Кога порасна толку брзо?“ - прашуваат луѓето на социјалните мрежи, откако Кејт и Вилијам го објавија новиот портрет на принцот Џорџ по повод неговиот 11-ти роденден. Идниот крал на Обединетото Кралство годинава го заврши основното образование, а инстаграмџиите се шегуваат дека е подготвен за Хогвортс.

Најстариот син на принцот Вилијам и Кејт Мидлтон, принцот Џорџ, денес го слави својот 11-ти роденден, а по тој повод, традиционално, на профилите на социјалните мрежи беше објавен нов портрет направен од мајка му.

На новиот портрет, младиот Џорџ е облечен во црн костум, без вратоврска, и речиси никому не може да му се верува колку многу е пораснат и колку наликува на неговиот татко.

„Му посакуваме на принцот Џорџ многу среќен 11-ти роденден денес“ – стои до фотографијата.

„Долго ја очекувавме оваа фотографија“;

„Изгледа дека е подготвен за Хогвортс“;

„Кога порасна толку брзо. Тој е прекрасен џентлмен“ – стои во дел од коментарите.

Инаку, Џорџ годинава го заврши основното и од септември треба да го продолжи средното образование.

Ова беа навистина тешки неколку месеци за младиот Џорџ, откако во јавноста беше објавено дека неговата мајка Кејт боледува од рак, а тој имаше неколку важни појавувања во изминатите месеци.

Се појави на роденденот на неговиот дедо кралот Чарлс, а отпатува и во Германија, за заедно со татко му Вилијам да го проследи финалниот меч од Европското првенство во фудбал помеѓу Англија и Шпанија.

Особено внимание привлекоа фотките на кои тој ги повторува движењата на татко му за време на натпреварот.

Прочитајте и Хари ќе му биде замена додека да порасне: Што ако принцот Џорџ стане крал пред да наполни 18?

Погледнете дел од фотките на кои Џорџ и татко му се уловени во исти движења:

Б. С. Б. | Црнобело