Ѝ раскинал преку телефон, 8 години не сакал да ја запроси – Помалку познати детали за врската на Кејт и Вилијам

Детали

петок, 02 август 2024

Откако ѝ раскинал по телефон, Вилијам отишол да слави за својата слобода. Кејт, пак, одлучила дека нема да тагува и беше главна тема во британските медиуми со нејзините излегувања по ноќни клубови…

Принцот Вилијам и принцезата Кејт се чини го имаат совршениот брак.

Но, на почетокот, пред да сфатат дека целиот живот сакаат да се заедно, и тие се соочиле со низа премрежја.

Неколку детали за љубовната приказна на Кејт и Вилијам:

Кејт и Вилијам се запознале додека биле студенти на универзитетот St. Andrews.

Но, Кејт прво планирала да се запише на друг универзитет и да учи историја на уметност.

Наводно, била и примена, но се премислила во последен момент.

Кога јавноста дозна за врската на Кејт и Вилијам, се појавија шпекулации дека таа се премислила за факултетот токму поради него.

Според други гласини, мајка ѝ ја убедила да го смени универзитетот со надеж дека ќе допре до принцот.

Сепак, извор близок до кралското семејство има изјавено дека сите гласини се „глупости“, бидејќи се очекувало Вилијам да се запише на колеџот Trinity, како татко му.

Кога се запишал на St. Andrews, Вилијам користел псевдоним – Стив – со надеж дека нема да го препознаат.

Набрзо потоа, почнал врска со колешка – Карли Баси-Бирч.

Врската не траела долго, а според Вилијам, причината била друга девојка – Арабела Масгрејв – со која се гледал летото пред да тргне на факултет.

По раскинувањето со колешката, тој почнал да се гледа со Арабела за време на викендите, но и оваа врска не траела долго.

На факултет, пак, бил пребирлив со неговото друштво.

„Луѓето пробуваа да ме искористат. Но, брзо го забележував тоа и не се дружев со тие луѓе. Не сум глупав“, има изјавено Вилијам.

Сепак, Вилијам сфатил дека Кејт не сака да го искористува.

Откако се запознале на факултетот, почнале да излегуваат на пијачки и заедно да играат тенис, но само како пријатели.

„Првата година откако се запознавме бевме само пријатели…

Почнавме да минуваме повеќе време заедно, се смеевме, ни беше многу забавно и сфативме дека имаме исти интереси и секогаш ни е убаво заедно“, има изјавено Вилијам.

Пред да ја почне врската со Вилијам, Кејт била во врска со постар студент, но набрзо раскинала со него.

Кога се запишале во втора година, веќе било јасно дека Кејт и Вилијам се пар, иако избегнувале да зборуваат за тоа.

Тие потврдија дека се заедно во 2003 година, но тогаш Вилијам изјави дека не е во сериозна врска.

Истата година, тие раскинаа.

Наводно, Кејт била засрамена од целата ситуација, најмногу бидејќи имале скоро ист круг на пријатели на универзитетот.

Сепак, по набрзо тие повторно се смириле.

Продолжува на следната страница...