„Сопругот ме изневерувал и им велел на девојките дека сум мртва - по неговата смрт дознав што ми правел зад грб“

Детали

среда, 06 март 2024

„Лута сум затоа што никогаш нема да добијам одговори“ – вели Американката која стана топ тема во светските медиуми, откако на социјалните мрежи објави видео во кое раскажува како по смртта на сопругот ги нашла неговите онлајн преписки со други жени.

Американка стана вистински хит на ТикТок откако откри дека по смртта на сопругот, за кого мислела дека е посветен татко и сопруг, дознала дека тој ја изневерувал, па дури лажел и дека е мртва.

Видеото што го објави Американката која се јавува под псевдонимот cherrybombsquad007 во моментов има повеќе од 3 милиони прегледи, а нејзината приказна стана вистински хит на социјалните мрежи.

„Сѐ уште сум лута, но никогаш нема да добијам одговори“ – напиша таа до видеото.

Како што раскажува, откако нејзиниот сопруг починал пред 3 години, таа го отворила неговиот компјутер и нашла голем број од неговите преписки со други девојки.

Останала збунета, откако ги видела објаснувањата што тој им ги давал на другите девојки за тоа каде е неговата сопруга:

„Мојата сопруга имаше несреќа и сега е во кома, па јас сум целосно сам“;

„Ме напушти и си замина со друг маж“;

„Жена ми почина неодамна. Јас сум самохран татко“;

„Ова е вторпат да нѐ напушти мене и ќерката!“ – биле дел од пораките што тој им ги праќал на девојките.

Потоа таа ги отворила податоците од неговите сметки и сфатила дека нејзиниот сопруг трошел огромна сума пари на веб-сајтови за возрасни, како и за подароци за неговите девојки со кои се гледал онлајн.

 „Во моментот кога сакав да го исклучам компјутерот, една од девојките ми пиша: ‘Многу ми недостасуваш бејби, ќе се видиме на видео повик вечерва!’. Тогаш сфатив дека воопшто не сум го познавала човекот“ – вели жената.

Таа признава дека се чувствувала уште полошо затоа што тој веќе не бил тука за да му се спротивстави или да му даде документи за развод.

Нејзиното видео предизвика лавина реакции во коментарите, а дел од жените споделуваат дека и тие се нашле во слична ситуација.

„Ја запознав бремената девојка на мојот сопруг додека тој беше во кома. Се разбуди додека ние двете бевме покрај неговиот кревет во болница“;

„Вкупно 5 други девојки дојдоа на погребот на мојот сопруг. Не знаев дека сум дел од клуб“;

„Поминав низ истото. Тој почина, па дознав дека имал девојка, дека онлајн се гледал со други жени, комуницирал преку видеоигри. Се чувствував засрамено, со скршено срце, лута... Знам како ти е“ – стои во дел од коментарите.

Погледнете го видеото:

@cherrybombsquad007

Part 7 im still angry but ill never get anwsers to my questions #fypシ #foryou #foryoupage #cheater #secret #fyp #why #unhappy #truth #liar #crazy #fyp #foryou #series

♬ original sound - Cherrybombsquad007🍒

Б. С. Б. | Црнобело