Египќанка се натпреваруваше во 7-иот месец од бременоста во Париз: „Трипати олимпијка, но сега со бебе во стомакот“
- Детали
- среда, 31 јули 2024
„Можеби ви делува дека се двајца натпреварувачи на подиумот, но всушност, бевме тројца. Бевме јас, мојата противничка и моето бебе кое допрва треба да го здогледа светот“, напиша Нада Хефез, која се натпреваруваше во мечување.
Египетската спортистка Нада Хафез, се натпреваруваше во мечување на Олимпијадата во Париз 2024, но тоа го направи бремена, во 7-миот месец.
Ова е нејзина трета Олимпијада.
26-годишната Нада победи на првиот натпревар, но потоа го загуби вториот и со тоа успеа да се пласира меѓу најдобрите 16, но не и да се избори за медал.
Откако ги заврши натпреварите, таа сподели фотки од својот настап на Инстаграм и со пораката ги изненади и фановите и спортскиот свет.
„Можеби ви делува дека се двајца натпреварувачи на подиумот, но всушност, бевме тројца. Бевме јас, мојата противничка и моето бебе кое допрва треба да го здогледа светот.
Моето бебе и јас се соочивме со многу предизвици, и физички и емотивни.
Ролеркостерот на бременоста е самиот по себе тежок, но тоа што требаше да се борам за да направам баланс меѓу животот и спортот, беше напорно, но вредеше.
Го пишувам ова за да кажам дека се гордеам што успеав да стигнам до најдобрите 16.
Среќна сум што го делам ова со мојот сопруг и со семејството и што успеав да стигнам дотука.
Оваа Олимпијада беше различна: трипати олимпијка, но овој пат со мало олимпијче во стомакот“, напиша таа.
А. Ј. | Црнобело
Би можело да ве интересира:
Препорачуваме
Најчитани неделава
