„Македонско девојче“ ечи во Париз: Јокиќ пее качен на стол, српските кошаркари ја славеа бронзата (видео)

Детали

недела, 11 август 2024

Кулминацијата на прославата беше кога најдобриот играч на НБА, Никола Јокиќ, се качи на столче и почна да пее на цел глас, а меѓу песните беше и „Македонско девојче“.

Вчера изутрина (10.08) српски кошаркари ја победија Германија во борбата за третото место на Олимписките игри во Париз, а бронзата ја прославија во кафеана со семејствата.

Тие почнаа со прославата уште во автобусот кој од салата ги носеше кон хотелот, а потоа, во ист стил продолжија и во ресторанот.

Пееја песни за душа, даваа пари на музиката, а кулминацијата беше кога најдобриот играч на НБА, Никола Јокиќ, се качи на столче и почна да пее на цел глас.

Меѓу песните што ги испеаја Јокиќ и српските кошаркари, но и селекторот Пешиќ ја запеаја „Македонско девојче“.

На видеата од прославата што се шират на Твитер, многумина коментираат дека момците би требале да го понесат со себе и микрофонот на доделувањето на медалите.

Други, пак, го прашаа Јокиќ колку испил и дали може да стои на нозе.

За потсетување, Србија ја освои бронзата по победата над Германија, а САД беше подобра од Франција во финалето и освои злато.

Погледнете го видеото:

A. J. | Црнобело