Го откачи за да се смири со бившиот, но Алекс Родригез има само пофални зборови за Џеј Ло: „Ни беше прекрасно заедно“
- Детали
- четврток, 14 јули 2022
„Таа е мошне вредна и работлива и ни беше убаво заедно“ – вели Алекс Родригез за Џенифер Лопез. Поранешниот свршеник на пејачката има само пофални зборови за Џеј Ло иако таа одлучи да раскине со него и да ѝ даде втора шанса на врската со Бен Афлек.
Џенифер Лопез (52) и Алекс Родригез (46) беа заедно 4 години, пред да најават со заедничко соопштение дека се разделуваат и ја раскинуваат свршувачката, за набрзо потоа да се дознае дека пејачката одлучила да ѝ даде втора шанса на врската со нејзиниот поранешен свршеник Бен Афлек (49).
Во последната година по раскинувањето, Алекс Родригез и Џенифер Лопез ретко говорат за нивната врска.
Пејачката не го спомнува поранешниот свршеник во нејзиниот нов документарен филм за Netflix, насловен Halftime.
„Живеам во фокусот на јавноста. Една од работите со кои се гордеам е тоа што постојано знам да се воздржам и никој да не дознае како се чувствувам. Затоа, сега нема да говорам за тоа какви беа моите романтични врски“ – изјави таа.
Од друга страна, иако беше оставен и не е спомнат во нејзиниот биографски филм, Алекс Родригез не е лут, туку има само пофални зборови за неговата поранешна свршеница.
Тој гостуваше во подкастот на Марта Стјуарт, каде меѓу другото, прокоментира накратко и за неговата врска со Џеј Ло:
„Еве што ќе ви кажам за Џенифер – истото ова им го раскажав и на моите колеги пред неколку дена – таа е најталентираната личност што некогаш сум ја запознал.
Таа е мошне вредна и работлива и сметам дека е најголемиот уметник во светот денес. Ни беше убаво заедно. Што е уште поважно, секогаш децата ни беа најважни во сѐ што правевме“ – рече тој.
За потсетување, Џеј Ло и Алекс Родригез беа заедно од 2017-та година, а ја раскинаа свршувачката само три месеци откако познатиот бејзбол играч ја запроси со дијамантски прстен вреден околу 4,5 милиони долари.
Прочитајте и „Зелената ми е среќна боја“– Џеј Ло го доби најскапиот од шесте веренички прстени во нејзината „колекција“
Набрзо по раскинувањето на свршувачката во медиумите почнаа да кружат шпекулации дека пејачката е повторно во врска со нејзиниот некогашен свршеник Бен Афлек.
Џеј Ло не чекаше многу за да ги потврди информациите, па на нејзиниот 52 роденден објави фотографија на која страсно се бакнува со Бен.
Прочитајте и На јахта на Сен Тропе, шопинг во Капри: Бен и Џеј Ло се на љубовна турнеја откако си дадоа втора шанса – каде сѐ беа?
Б. С. Б. | Црнобело
Би можело да ве интересира:
Препорачуваме
Најчитани неделава
