Калиопи, Александра Шијакоска: Талентирана девојка од Скопје ги црта нашите познати личности и воодушевува

Детали

четврток, 21 ноември 2024

Од Тоше Проески до Калиопи и Стефан Лазаров, девојка од Скопје ги црта нашите славни личности. „Цртањето го гледав како хоби цел живот и го обожавам“, вели Александра Дичоска Кебакоски (30) за CRNOBELO.com.

Александра Дичоска Кебакоски (30) од Скопје, по професија е преведувач со завршена академија за графички дизајн, а цртањето ѝ е хоби и најголема љубов.

Таа ги црта и македонските познати личности, а досега од нејзините дела позитивно изненадени биле Калиопи, Мартија Станојковиќ, Александра Шијакоска и многу други.

Тоше Проески

За љубовта кон цртањето Александра за CRNOBELO.com вели:

„Цртањето го гледав како хоби цел живот, најстарите цртежи што моментално ги чувам се од прво, второ одделение, но се сеќавам уште на цртањето во градинка, што значи си го носам со мене отсекогаш.

Цртањето и дигитална илустрација започнаа да ми бидат професија во 2014 година, со моите први нарачки за модна илустрација.

Калиопи

На почетокот бев ориентирана само кон таков тип цртежи, ја сакав модата, сакав да се дотерувам, да го нацртам тоа што сакам да го носам и потоа да си го сошијам со помош на мајка ми (има машина за шиење што ја користевме дома).

Првата нарачка ми беше да дизајнирам невестински фустан со тантела и вел, се сеќавам на цртежот и уште го чувам, многу се радував.

Го цртав прво со молив на хартија, на тантелата посебно се посветив, го скенирав цртежот и потоа го довршував на компјутер за да можам да го испратам цртежот дигитално. Тогаш работев на графички таблет поврзан на компјутер, на него со раката правев движења, а тоа што го цртав го гледав на екран.

На почеток беше збунувачко, но се навикнав брзо. Овој начин на работа ми одземаше значително повеќе време од сега.

Марта и Стефан Лазарови

Цртањето лица и лицата општо, секогаш ме интересирале, знам да се загледам во некого несвесно и да му ги анализирам цртите на ликот без да ми текне во моментот дека може од страна да изгледа чудно тоа.

Александра Шијакоска

Мислев дека е интересен склоп модна илустрација со портрет, фигура облечена во комбинација по желба или по мој вкус, со лице изработено според фотографија, па така преминав и на портрети, иако на профилот преовладуваат сега само портретите, ништо друго што подразбира цртање не е исклучено.

Мартија Станојковиќ

Продолжува на следната страница...