Криел дека има рак на грлото, со вештачка интелигенција го вратил гласот – Факти за Вал Килмер

Во 1991-вата година работел на снимањето на филмот The Doors, каде постојано влегувал во конфликт со режисерт Оливер Стоун. Неговата опседнатост со тоа како треба најдобро да се одигра улогата го однела до таму што дури морал да ѝ плати на колешка за напад.

За време на кастингот за The Doors наводно Вал ја кренал и ја тресел, а потоа ја фрлил на под колешката Кејтлин О Хини, за што таа поднела тужба и морал да ѝ плати отштета во висина од 24.500 долари.

Во 2014-та година актерот кој сѐ уште беше на врвот на кариерата се соочи со најголемиот предизвик во неговиот живот: ракот на грло. Како што самиот раскажува во својот биографски филм во еден миг само почнал да чувствува болка во грлото, а малку подоцна почнал да повраќа крв, по што му бил дијагностициран рак на грлото.

Веднаш по објавувањето на веста дека има рак на грлото, актерот се обратил до јавноста и рекол дека информациите за неговата здравствена состојба не се точни и дека нема рак.

За својата здравствена состојба Вал проговори дури во 2017-та година во одговор на коментарите на Мајкл Даглас, којшто претходно потврди дека Вал страда од истата форма на канцер од која страдал и тој самиот.

Вал се лекувал со радиотерапија и хемотерапија, а гласните жици му биле оштетени по трахеоктомијата (хируршки зафат со кој се прави отвор на грлото) што му била направена со цел да може да дише.

Во 2020-та година Вал за првпат се појави во јавност и забележително беше дека има целосно променет глас, а во 2021-ва снимаше документарен филм во кој ја раскажа приказната за сопствената борба со болеста. Во филмот Вал говореше со помош на гласовна кутија.

Истата година со помош на британската компанија Sonatic на Вал му беше пружена можност да си го врати стариот глас со помош на вештачка интелигенција. Гласот на Вал Килмер е компјутерски генериран за да биде идентичен со тоналитетот од пред да заболи од рак.

Б. С. Б. | Црнобело